+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Erlan Turǵymbaev qaza tapqan polıtseılerdiń otbasylaryna memlekettik nagradalaryn tapsyrdy

2020 jylǵy 27 mamyr 21:26
Bólisińiz:
Erlan Turǵymbaev qaza tapqan polıtseılerdiń otbasylaryna memlekettik nagradalaryn tapsyrdy

ALMATY. QazAqparat – QR Іshki ister mınıstri qyzmettik boryshyn atqarý kezinde qaza bolǵandar polıtseılerdiń týystaryna memlekettik nagradalardy tapsyrdy, dep habarlaıdy QazAqparat tilshisi.

Uqsas jańalyqtar
Qyzylordada úshem dúnıege keldi 6 shilde. Týǵan kún ıeleri 6 shilde. QazAqparat kúntizbesi

Qyzmettik boryshyn úlgili oryndaǵany, quqyq tártibin qamtamasyz etýge belsendi qatysqany úshin Almaty qalasy Polıtsııa departamenti patrýldik polıtsııa polki qyzmetiniń ınspektory Jaras Janǵazıev qaıtys bolǵannan keıin ІІ dárejeli «Aıbyn» ordenimen, Almaty qalasy Polıtsııa departamenti patrýldik polıtsııa polkiniń polıtseıi Dastan Ábdiqanov qaıtys bolǵannan keıin ІІІ dárejeli «Aıbyn» ordenimen marapattaldy.

«Іshki ister mınıstrliginiń barlyq jeke quramy sizdiń qaıǵy-qasiretińizdi birge bólisedi. Balalar – ákelerinen, áıelder – jubaılarynan, ata-analar – ulynan aıyryldy. Biz úshin de bul orny tolmas qaza. Qyzmet barysynda qaza bolǵandardyń ekeýi de ózderin jaýapty jáne tártipti qyzmetker retinde kórsetti. Olar úshin qoǵamdyq tártip, qaýipsizdik jáne halyqty qorǵaý bárinen joǵary turdy. Eki aıdan astam ýaqyt boıy olar kúsheıtilgen rejımde jumys istedi. Polıtsııa mamandyǵyn tańdaǵan soń, búkil ómirin halyq pen Otanǵa qyzmet etýge arnady. Eń jaqsy qyzmetkerlerden aıyrylý óte aýyr jaǵdaı. Jaras Janǵazıev pen Dastan Ábdiqanov óz boryshyn laıyqty ári adal oryndaǵan parasatty polıtseıler retinde áriptesteriniń esinde máńgi qalady», – dedi mınıstr Erlan Turǵymbaev.

Qaza tapqandardyń týystary Memleket Basshysy Qasym-Jomart Toqaevqa jáne ІІM basshylyǵyna qoldaý kórsetkenderi úshin rızashylyqtaryn bildirdi.

Sondaı-aq, mınıstr Almaty qalalyq Polıtsııa departamentinde keńes ótkizdi. Jınalys barysynda ol aýmaqtyq bólimsheniń basshylyǵyn qatań synǵa alyp, birqatar qyzmetkerge qatysty qabyldanǵan qatań sharalar týraly aıtyp ótti.

«Jeke qurammen aldyn alý jumystaryn júrgizýge baqylaýdy kúsheıtý, teris áreket faktileriniń jolyn kesý jáne qyzmetkerlerdiń tártip buzýshylyqtaryna nemquraıly qaraýǵa jol bermeý qajet», – dep atap ótti vedomstvo basshysy.

Foto: Polisia.kz.
Bizdiń kanalymyzǵa jazylyńyz:

#Qoǵam   #QR ІІM  
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT