+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Erlan Turǵymbaev birqatar oblystyń bas polıtseıin jazalady

2019 jylǵy 23 qarasha 10:46
Bólisińiz:
Erlan Turǵymbaev birqatar oblystyń bas polıtseıin jazalady

NUR-SULTAN. QazAqparat - QR Іshki ister mınıstri Erlan Turǵymbaev aýmaqtyq polıtsııa departamentteriniń jáne beıindi qyzmetterdiń basshylarymen kámeletke tolmaǵandarǵa qatysty zorlyq-zombylyq qylmystarynyń, sonymen qatar jasóspirimder qylmysynyń aldyn alý máselelerine arnalǵan jıyn ótkizdi, dep habarlaıdy QazAqparat tilshisi.

Uqsas jańalyqtar

Atalǵan vedomstvonyń baspasóz qyzmeti taratqan aqparatqa sáıkes, mınıstr birqatar óńirlik departamentterdiń balalardyń qaýipsizdigin qamtamasyz etý, jasóspirimderge qatysty qylmystardyń, onyń ishinde paıdakúnemdikpen zorlyq jasaý, jynystyq sıpatta tıisý syndy qylmystardyń ósýiniń aldyn alý baǵytyndaǵy jumystarynyń kemshilikterin naqty kórsetip berdi. Aqmola, Aqtóbe, Almaty, Atyraý jáne Jambyl oblystyq Polıtsııa departamentteriniń basshylary synǵa ushyrady.

Keńes qorytyndysynda birqatar basshy qatań tártiptik jazaǵa tartyldy. Atap aıtqanda, Jambyl oblystyq Polıtsııa departamentiniń bastyǵy Arman Orazalıevke qyzmetke tolyq saı emestigi eskertildi. Aqtóbe oblystyq Polıtsııa departamentiniń bastyǵy Atyǵaı Arystanovqa qatań sógis jarııalandy. Almaty oblystyq Polıtsııa departamentiniń bastyǵy Murat Urymhanovqa buǵan deıin de qatań sógis jarııalanǵan edi. Taraz qalalyq Polıtsııa basqarmasynyń bastyǵy Ardaq Madımarov qyzmetinen bosatyldy. Buǵan qosa, Taraz qalalyq polıtsııa basqarmasy qyzmetteriniń basshylary jazalanyp, mektep ınspektory ishki ister organdarynan qýyldy.

Barlyq óńirlik basshylarǵa jergilikti atqarýshy organdarmen birlesip, qordalanǵan problemaly máselelerdi tyńǵylyqty saralap, sheshý tapsyryldy. Olardyń qatarynda ýchaskelik polıtsııa men mektep ınspektorlarynyń jumysyn uıymdastyrýdy ózgertý, olardyń bilim berý uıymdarymen jáne ákimdikpen ózara is-áreketi, kúzet uıymdaryn mektepter men balabaqshalardaǵy qaýipsizdikti qamtamasyz etýge jumyldyrý máseleleri bar.

«Aýmaqtyq departamentterdiń basshylarynyń nazaryn polıtsııany baǵalaýdyń negizgi ındıkatorlarynyń biri kámeletke tolmaǵandardyń qylmystyq ozbyrlyqtan qorǵalý deńgeıi ekendigine aýdartamyn. Dál osyny adamdar bizden kútip otyr. Biz olardyń qaýipsizdigin qamtamasyz etýge mindettimiz», - dedi E.Turǵymbaev.

Bizdiń kanalymyzǵa jazylyńyz:

Basty sózder: Adam quqyǵy, QR ІІM, Aımaq,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT