+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Erlan Turǵymbaev aqtóbelik volonterlermen kezdesti

2021 jylǵy 23 aqpan 14:46
Bólisińiz:
Erlan Turǵymbaev aqtóbelik volonterlermen kezdesti

AQTÓBE. QazAqparat – Aqtóbege issapary kezinde ІІM Erlan Turǵymbaev volonterlermen kezdesip, karantın rejımin jáne qoǵamdyq tártipti saqtaýdy qamtamasyz etýge kómekteskeni úshin olarǵa alǵys aıtty, dep habarlaıdy QazAqparat tilshisi.

Іshki ister mınıstri Erlan Turǵymbaev Aqtóbe oblysyna jumys sapary aıasynda oblystyq polıtsııa departamentiniń birqatar nysanyn aralady. Olardyń qatarynda Aqtóbe qalasynyń ortalyǵynda ornalasqan modýldik statsıonarlyq beket bar. Bekette polıtseılerdiń jumys isteýine jáne azamattardy táýlik boıy qabyldaýyna barlyq jaǵdaı jasalǵan. Mınıstr jergilikti atqarýshy organdardyń halyqtyń qaýipsizdigi men tynyshtyǵyn qamtamasyz etýge baǵyttalǵan jumysyn joǵary baǵalady. Damyǵan elderdiń tájirıbesi boıynsha qazirgi zamanǵy statsıonarlyq polıtsııa beketteri neǵurlym krımınogendi ýchaskelerde ornatylyp jatyr. Aqtóbede bes beket bar.

«El Prezıdenti Qasym-Jomart Toqaev servıstik modeldiń negizgi elementi «halyqqa jaqyn polıtsııa» bolýy tıis dep aıtty. Osy qaǵıdatty iske asyra otyryp, biz polıtsııa qyzmetkeriniń qoǵamdyq oryndarda júrýine qol jetkizdik. Azamattar ózderin qaýipsiz sezinýine, qajet kezde polıtsııaǵa júginýine bar jaǵdaı jasaldy. Búgin biz oń nátıjeni kórip otyrmyz. Statsıonarlyq beketter ornatylǵan jerlerde quqyq buzýshylyqtar sany aıtarlyqtaı azaıdy», – dep atap ótti vedomstvo basshysy. 2020 jyly oblys aýmaǵynda qylmys 37% tómendedi. Mınıstr jergilikti polıtsııa qyzmetin reformalaý máselesinde ýchaskelik ınspektorǵa negizgi ról beriletinin atap ótti. Osyǵan baılanysty Erlan Turǵymbaev polıtsııa qyzmetkeri otbasymen birge turatyn ýchaskelik pýnktpen biriktirilgen úıge bardy. Mınıstr ýchaskelik polıtsııa ınspektorynyń únemi ákimshilik ýchaskede bolýy mańyzdy ekenin jáne óńirde quqyq buzýshylyqtyń aldyn alýdy qamtamasyz etý úshin olardyń shtatyn ishki rezervter esebinen tolyq jasaqtaý qajet ekenin atap ótti.

«Ákimdiktermen birlesip, ýchaskelik ınspektorlarǵa tıisti jaǵdaı jasap, ýchaskelik pýnktter jelisin keńeıte otyryp, biz azamattarymyzdyń qaýipsizdik deńgeıin arttyramyz. Mundaı jumysty biz barlyq óńirlerde júrgizetin bolamyz», – dedi Іshki ister mınıstri.

Aıta keteıik, quqyqtyq tártipti qamtamasyz etýde eriktiler polıtsııa qyzmetkerlerine kómek kórsetip keledi. Oblys boıynsha ishki ister organdary ótkizetin barlyq aldyn alý is-sharalaryna 300-den astam erikti qatysady. Mınıstr eriktilermen kezdesip, olarǵa karantın rejımin jáne qoǵamdyq tártipti qorǵaýdy qamtamasyz etýge kómekteskeni úshin alǵys aıtty. Keıin jeke qurammen kezdesip, oblystyq polıtsııa departamenti qyzmetkerleriniń aldyna óńirdegi qaýipsizdik deńgeıin arttyrý jáne halyqpen jumysty jalǵastyrý, olardyń máselelerin dereý sheshý mindetterin qoıdy.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT