Jańalyqtar  >

Erlan Saırov tikeleı efırde jerge túkirýine qatysty túsinik berdi

2022 jylǵy 30 qarasha, 13:14
Erlan Saırov tikeleı efırde jerge túkirýine qatysty túsinik berdi

ASTANA. QazAqparat - Májilis depýtaty Erlan Saırov tikeleı efırde jerge túkirý oqıǵasyna túsinik berdi, dep habarlaıdy QazAqparat tilshisi.

Búgin Parlament Májilisinde tilshiler depýtattan «tikeleı efırdegi áreketińizdi olıgahtardyń betine túkirý dep esepteısiz be?» dep surady.

«Mindetti túrde. Eger olıgarhtar halyqtyń muń-múddesiniń betine túkiretin bolsa, onda halyqtyń olıgarhtardyń betine túkirýge tolyq haqysy bar», - dedi Erlan Saırov.

Sonymen qatar ol óziniń tikeleı efırde jerge túkirýine túsinik berdi.

«Bul jaǵdaıǵa qatysty halyqtan keshirim suradym. Keshe tikeleı efırde taǵy da keshirim suradym. Bul refleks jaǵdaıynda boldy, ıaǵnı qatty aıaz kezinde baıqamaı qaldym. Bes saǵat boıy dalada júrgendikten tońyp qaldyq. Halyq meniń bul áreketime túsinistikpen qarap otyr dep oılaımyn. Keshe túnde Qazaqstannyń túkpir-túkpirinen qońyraýlar kóp boldy. Olar meni qoldaıtynyn aıtty», - dedi depýtat.

Budan buryn habarlanǵandaı, tikeleı efırde jerge túkirgen Májilis depýtaty Erlan Saırov ózine salynǵan aıyppuldy tóledi.

Aıta keteıik, Májilis depýtaty telearnanyń tikeleı efırine qosylyp, Ekibastuz qalasyndaǵy apatqa qatysty jaǵdaıdy jetkizý kezinde jerge túkirip jibergen.

Erlan Saırov olıgarhtar jylý elektr ortalyǵyn qaıtarý kezinde barlyq shyǵyndy óteýi tıis ekenin aıtty.


Uqsas jańalyqtar
Tegı:
Seriktester jańalyqtary

Jańalyqtar