+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Erlan Saırov Beırýttaǵy jarylysqa baılanysty pikir bildirdi

2020 jylǵy 5 tamyz 13:02
Bólisińiz:
Erlan Saırov Beırýttaǵy jarylysqa baılanysty pikir bildirdi

NUR-SULTAN. QazAqparat - Eýrazııalyq ıntegratsııa ınstıtýtynyń dırektory Erlan Saırov Beırýttaǵy jarylysqa baılanysty pikir bildirdi, dep habarlaıdy QazAqparat tilshisi.

Uqsas jańalyqtar
Bıyl Atyraýda 5 jumysshy mert bolyp, 7-eýi aýyr jaraqat alǵan Ázerbaıjan men Armenııa Taýly Qarabaqtaǵy jaǵdaıdyń ýshyǵýy týraly málimdedi Qytaıda kómir shahtasynda 16 adam qaza tapty

«Bir kezderi Lıvan damyǵan ekonomıkasy bar gúldengen memleket, álemniń shıelenisken óńirindegi beıbitshilik alqaby bolǵan edi. Tek Taıaý Shyǵystyń ǵana qarjy jáne bank ortalyǵy emes-tin. Іshki saıası aıtys-tartys, turaqsyz syrtqy orta óziniń surqaı isin jasady. Búginde Lıvan dinı jáne ulttyq belgiler boıynsha sektorlarǵa bólingen. Ortalyqtandyrylǵan memleket is júzinde joq desek te bolady. Palestındikter, Hezbolla, álemniń túrli arnaıy qyzmetteri, Izraıl, AQSh, Reseı, Frantsııa, ishki toptarmen tyǵyz baılanystaǵy memleketter shaǵyn ǵana eldi kishkentaı bólshekterge bólýde.

Joǵaryda aıtylǵandaı, ortalyqtandyrylǵan memleket is júzinde ǵana bar. Bılik qurylymynyń ózi dinı belgiler boıynsha bólshektelgen. Al Lıvan este joq eski zamannan saýda men gúldený ortalyǵy retinde belgili edi. P.Koelo óziniń «Besinshi taý» degen kitabyna dál qazirgi Lıvan aýmaǵyn sıpattaǵan bolatyn», - dep jazdy saıasattanýshy Facebook paraqshasynda.

Onyń paıymynsha, saıası protsesti «lıvanızatsııalaý» kez kelgen memlekette oryn alýy múmkin eń jaman nárse.

«Biz qandaı qorytyndy shyǵarýymyz kerek? Zerdelep, saralap, qorytyndy shyǵaryp, bizdiń jaǵdaıymyz úshin teris sátterdi joıý qajet. Ortalyqtandyrylǵan memleket (Qazaqstan) bizdegi pozıtıvti dúnıe. Bul aspektini saqtap, damytý kerek. Iá, memleketimizde de kóptegen aqaý, kemshilik bar. Biraq, bul bizdiń memleketimiz. Demokratııa men pikir plıýralızmin damyta otyryp, memlekettik pozıtsııada nyq turýǵa tıispiz. Bizge demokratııa kerek. Bul - qoǵamdy jaılastyrýdyń ámbebap modeli. Alaıda, demokratııaǵa qaraı ilgerileý memlekettik qundylyqtardy qunsyzdandyrmaýy tıis. Saıası kózqarastar men qoǵamdyq artyqshylyqtardan joǵary (memlekettik) qundylyqtar bolýy kerek. Bılikke áleýmettik transformatsııa men saıası reformalar júrgizý qajet», - dedi ol.

Saıasattanýshy halyqtyń ál-aýqaty memlekettilikti saqtaýdyń eń mańyzdy elementi ekendigin basa aıtady.

«Kedeıler memlekettik ınstıtýttardy qajetsinbeıdi. Teńsizdik kez kelgen nıgılızmniń qaınar kózi sanalady. Sondyqtan elimizdegi adamnyń damý ındeksin arttyrý qajet», - dedi Erlan Saırov.

Eske sala keteıik, 4 tamyzda Lıvannyń áskerı-teńiz kúshteri (ÁTK) bazasyna jaqyn Beırýt porty aýdanynda joıqyn jarylys boldy.

Jarylys saldarynan Qazaqstannyń SІM Lıvandaǵy Qazaqstannyń dıplomatııalyq mıssııasy ǵımaratyna zııan kelgen. Jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin jumys ornynan ketip qalǵan.

Konsýl jumysta qalǵan bolatyn jáne jarylys tolqyny saldarynan jeńil jaraqat aldy.

Buǵan deıin habarlaǵandaı, 5 tamyz kúni Beırýt ýaqytymen saǵat 00:30-da Lıvannyń Densaýlyq saqtaý mınıstri Muhammed Hasan jarylystan qaza tapqandar sany 70-ke jetkenin, 4 myńǵa jýyq turǵyn jaraqat alǵanyn málimdedi.

Álem elderiniń, halyqaralyq uıymdardyń basshylary men premer-mınıstrleri 4 tamyzda Lıvannyń áskerı-teńiz kúshteri (ÁTK) bazasyna jaqyn Beırýt porty aýdanynda bolǵan jarylysqa baılanysty Lıvan halqyna kóńil aıtyp, shuǵyl kómek kórsetýge daıyn ekenin bildirdi.

5 tamyz kúni jarylystyń sebebi anyqtaldy. Bılik málimdemesine sáıkes, ammonıı nıtratynyń úlken partııasy (ammıak selıtrasy dep te atalaıdy) portta uzaq ýaqyt saqtalyp, qaýipsizdik talaptary saqtalmaǵan.


Bizdiń kanalymyzǵa jazylyńyz:

#Oqıǵa   #Qoǵam  
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT