+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Erlan Nurǵalıevtiń týystary brakonerlerden 20 mln teńge moraldyq shyǵyn talap etti

2020 jylǵy 17 aqpan 16:26
Bólisińiz:
Erlan Nurǵalıevtiń týystary brakonerlerden 20 mln teńge moraldyq shyǵyn talap etti

QARAǴANDY. QazAqparat – Búgin Qaraǵandy oblysynyń qylmystyq ister boıynsha mamandandyrylǵan aýdanaralyq sotynda qoryqshy Erlan Nurǵalıevtiń ólimine qatysty sot isi boıynsha jaryssóz ótti, dep habarlaıdy QazAqparat tilshisi.

Uqsas jańalyqtar

Memlekettik aıyptaýshy Qýanysh Jeksenbaev aıyptalýshylar Berik Ahmetov, Nurlan Shúkildikov jáne Qaırat Aqshanovty ómir boıyna bas bostandyǵynan aıyryp, jazasyn erekshe qaýipsizdik kolonııasynda óteýin surady. Sondaı-aq, prokýror sottan ár aıyptalýshydan 30 AEK-ke deıin óndirip alý jáne olarǵa bes jyl boıy ań aýlaýǵa tyıym salýdy surady.

Sonymen qatar Qýanysh Jeksenbaev Berden Bazarov, Batyrbek Qaıyrbekov, Jarashan Myrzabaev pen Aıdos Ákimovti alty jylǵa sottaýdy ótindi.

Aıta ketý kerek, buryn sotqa deıingi tergeý organdary olarǵa qatysty qylmystyq isti toqtatqan bolatyn. Alaıda, Erlan Nurǵalıevtiń ulynyń qorǵaýshysy Ǵalymjan Táýekelov bul sheshimmen kelispeıtinin jetkizdi. Joǵaryda atalǵan tórt azamatqa qatysty qylmysty jasyrý jáne ol týraly habarlamaý baptary boıynsha tergeýdi qaıta júrgizý týraly jeke qaýly shyǵarýdy surady.

Sondaı-aq, advokattyń sózinshe, moraldyq shyǵyn somasy - 20 mln teńge.

«Biz materıaldyq shyǵyndy 9 mıllıon 137 myń 600 teńge dep baǵalaımyz. Qaza tapqan adamnyń otbasy dál osyndaı somany qonaq asyna, qyryq kún, jyldyq asyn ótkizýge jáne mazar salýǵa jumsady. Qaza tapqan otbasynyń moraldyq ótemaqysyn biz 20 mıllıon teńgege baǵalaımyz», - dedi Ǵalymjan Táýekelov.

Eske sala ketsek, ótken jyly 15 qańtarda Qaraǵandy oblysy Nura aýdanynyń aýmaǵynda kıik atqan brakonerler eki ınspektordy jaralaǵan edi. Aýyr jaraqat alǵan Erlan Nurǵalıev 15 qańtarda Astananyń №1 aýrýhanasynda kóz jumdy. QR Іshki ister mınıstri Qalmuhanbet Qasymov jaraqat alǵan «Ohotzooprom» ınspektoryn qutqarýǵa nelikten kóp ýaqyt ketkenin túsindirdi. Sondaı-aq brakonerler qolynan qaza tapqan ınspektordyń artynda tórt balasy qalǵan.

Al QR Ekologııa, geologııa jáne tabıǵı resýrstar mınıstri Maǵzum Myrzaǵalıev brakonerler qolynan mert bolǵan ınspektordyń otbasyna kóńil aıtyp, onyń otbasyna barlyq qajetti kómek kórsetiletinin jetkizdi.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT