Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.34 EUR 427.25
RUB 5.88 CNY 54.57
Jańalyqtar

Erlan Qoshanov: Jýrnalıst mamandyǵy boıynsha túsken aýyl túlekterine grant bólinedi

2019 jylǵy 26 maýsym 21:28 946
Bólisińiz:
Erlan Qoshanov: Jýrnalıst mamandyǵy boıynsha túsken aýyl túlekterine grant bólinedi

QARAǴANDY. QazAqparat - Qaraǵandy oblysynda jyl saıyn QarMÝ-ǵa "jýrnalıstıka" mamandyǵy boıynsha túsetin aýyl mektepteriniń túlekterine granttar bólinedi. Bul týraly aımaq basshysy Erlan Qoshanov "Óńirlik BAQ. Damý vektorlary" atty forýmda málimdedi, dep xabarlaıdy QazAqparat tilshisi.

Oblys ákimi sondaı-aq oblys ortalyǵynda medıa-klýb qurý josparlary týraly aıtty. Jýrnalıster úshin bul arnaıy alań kovorkıng-ortalyqty jáne baspasóz máslıhattaryna arnalǵan jabdyqtalǵan zaldy biriktiretin bolady. Munda sondaı-aq jýrnalıster men baspasóz hatshylary úshin master-klastar, trenıngter men semınarlar ótedi.

Aıta ketsek, bul BAQ ókilderi úshin uıymdastyrylǵan Forým óńirlik jýrnalıstıkaǵa arnaldy. 

"Áli de gazetterdi oqyp, jergilikti jańalyqtardy kórýge daıyn adamdar bar, óńirlik BAQ bizdiń qalalarymyzda, aýdandar men kentterde jalǵasatyn bolady. Jumysyn toqtatpaýy úshin olar damýy kerek. Biz óz tarapymyzdan oǵan kómektesýge daıynbyz. Sonymen qatar, birinshi kezekte memlekettik organdar buǵan múddeli", - dedi Erlan Qoshanov.

Forýmǵa shaqyrylǵan spıkerler óńirlik jýrnalısterdiń qalaı damýy men ózgeretini týraly aıtty. Olardyń qatarynda belgili jýrnalıster men medıa - menedjerler - "AIQYN" respýblıkalyq qoǵamdyq - saıası gazetiniń bas redaktory Nurtóre Júsip, "KAZAKH TV" TK dırektory Maııa Bekbaeva, "Informburo.kz" aqparattyq portalynyń bas redaktory Mıhaıl Dorofeev, "Ulys" tsıfrlyq jýrnalynyń bas redaktory Erjan Qalymbaıuly, "Ortalyq Qazaqstan" oblystyq gazetiniń dırektory Qambar Ahmetov, Buqar Jyraý aýdany "Buqar jyraý jarshysy" gazetiniń bas redaktory Álııa Jumaqaeva boldy. 

"Óńirlik BAQ - bul bizdiń qoǵamnyń júıke júıesi deýge bolady. Eger olar ınertti nemese jabylatyn bolsa, onda biz xalyqpen baılanysty joǵaltamyz. Aımaqtyq jýrnalıstıka árqashan halyqqa jaqyn bolýy kerek. Ákimniń aýzynan bılik dıalogqa ashyq ekenin estýge qýanyshtymyz. Tek órtti sóndirmeı, ony boldyrmaýǵa bolady", - dep atap ótti Maııa Bekbaeva.

Spıkerler sondaı-aq qazirgi jýrnalıstıka máseleleri men syn-qaterleri týraly aıtty. Olardyń biri messendjerler men áleýmettik jelilerdiń ósip kele jatqan áseri bolyp tabylady. Jáne sonyń saldarynan dáıeksiz nemese tekserilmegen aqparatty taratý. Bul týraly Іnformburo.kz aqparattyq portaldyń bas redaktory Mıhaıl Dorofeev aıtyp ótti. Spıker sondaı-aq jýrnalısterdiń basty mindeti obektıvtilik, qysymǵa tótep berý jáne shyn máninde mańyzdy nárse týraly aıtý qabileti bolǵanyn jáne bolyp qala beretinin eske saldy.

Sonymen qatar, forýmda qazaq jýrnalıstıkasynyń damýy týraly sóz qozǵaldy.

"Shynynda da, Qaraǵandy qazaq jýrnalıstıkasyndaǵy kadrlardyń ustahanasy boldy. Oblys basshysy atap ótkendeı, oǵan qaraǵandylyq jýrnalısterdiń tek elimizde ǵana emes, shetelde de jemisti eńbek etip jatqandyǵy dálel. Qazaq jýrnalıstıkasynyń róli elimizdiń qalyptasýynda, Táýelsizdikti nyǵaıtýda óte mańyzdy dep maqtanyshpen aıtýǵa bolady. Qazaq jýrnalıstıkasy strategııalyq ınstıtýttyń rólin atqarady. Men de Qaraǵandy jýrnalıstıkasynyń mektebinen óttim. Búgin jýrnalıstıkanyń aǵa býynyn, qurdastarym men áriptesterimdi kórgenime óte qýanyshtymyn", - dedi Erjan Qalymbaıuly.

Forým sońynda BAQ ókilderi óz tilekterin bildirip, áriptesterin kásibı merekelerimen quttyqtady.

 

 

Bizdiń kanalymyzǵa jazylyńyz:

Basty sózder: Qoǵam, Ákimdik, BAQ, Qaraǵandy oblysy,
Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT