Erlan Qııasov Densaýlyq vıtse-mınıstri - QR Bas memlekettik sanıtarlyq dárigeri qyzmetinen bosatyldy
2022 jylǵy 27 qańtar 10:09

Erlan Qııasov Densaýlyq vıtse-mınıstri - QR Bas memlekettik sanıtarlyq dárigeri qyzmetinen bosatyldy

NUR-SULTAN. QazAqparat – Qazaqstan Respýblıkasy Úkimetiniń qaýlysymen Erlan Ańsaǵanuly Qııasov bergen ótinishine sáıkes QR Densaýlyq saqtaý vıtse-mınıstri — QR Bas memlekettik sanıtarlyq dárigeri qyzmetinen bosatyldy. Bul týraly QR Premer-Mınıstriniń baspasóz qyzmetinen málim etti, dep habarlaıdy QazAqparat.

Erlan Qııasov 1973 jyly Almaty oblysynda dúnıege kelgen.

Qazaq memlekettik medıtsına ýnıversıtetin, Ortalyq Azııa ýnıversıtetin, Ál-Farabı atyndaǵy Qazaq ulttyq ýnıversıtetin, Turan-Astana ýnıversıtetin támamdaǵan.

Eńbek jolyn 1990 jyly «Almaty qalasynyń Jedel medıtsınalyq járdem aýrýhanasy» reanımatsııa jáne qarqyndy terapııa bólimshesiniń sanıtary bolyp bastady.

1997-1999 jyldary — Almaty qalasyndaǵy QR áýe kóligindegi ortalyq sanıtarlyq-epıdemıologııalyq stantsııasynyń sanıtarlyq dárigeri, dáriger-epıdemıology.

1999 jyldan bastap 2020 jylǵa deıin QR Prezıdenti Іs Basqarmasynyń Medıtsınalyq ortalyǵynyń qurylymynda — Sanıtarlyq-epıdemıologııalyq stantsııada jalpy gıgıena boıynsha sanıtarlyq dáriger, jedel bólim meńgerýshisi, Sanepıdqadaǵalaý basqarmasynyń epıdemıologııalyq bóliminiń bastyǵy, «Sanıtarlyq-epıdemıologııalyq saraptama ortalyǵy» RMK dırektory, basshynyń orynbasary bolyp jumys istedi.

2020 jylǵy qyrkúıekte QR densaýlyq saqtaý vıtse-mınıstri – QR Bas memlekettik sanıtarlyq dárigeri bolyp taǵaıyndaldy.


Jańalyqtar

MURAǴAT