Erlan Qarın: Saılanǵan aýyl ákimderiniń jartysy – buryn bul qyzmette bolmaǵandar
2021 jylǵy 6 qarasha 12:36

Erlan Qarın: Saılanǵan aýyl ákimderiniń jartysy – buryn bul qyzmette bolmaǵandar

ALMATY. QazAqparat –Ulttyq qoǵamdyq senim keńesiniń músheleri Almatyda aýyl ákimderin saılaý naýqanyn talqylady, dep habarlaıdy QazAqparat tilshisi.

Ulttyq qoǵamdyq senim keńesiniń músheleri, belgili saıasattanýshylar men áleýmettanýshylar qatysqan sharany QR Prezıdentiniń kómekshisi, Ulttyq keńestiń hatshysy Erlan Qarın ashty.

Erlan Qarınniń aıtýynsha, búginge deıin ákimderdi tikeleı saılaý 811 aýyldyq okrýgte ótken.

«Bul saılaý qoǵamda, saılaýshylar arasynda da, saıası partııalar arasynda da úlken qyzyǵýshylyq týǵyzdy. Nátıjesinde saılanǵan ákimderdiń 86% saıası partııalar usynǵan kandıdattar qurady. Qalǵan 14% ózin-ózi usynǵan úmirtkerler boldy.

Bul rette saılanǵan ákimderdiń jartysy (51%) saılaýǵa deıin bul qyzmette bolmaǵan jańa tulǵalar», - dedi ol.

Áleýmettanýshy, «Strategııa» áleýmettik jáne saıası zertteýler ortalyǵy» qoǵamdyq qorynyń jetekshisi Gúlmıra Ileýova Roza Lıýksembýrg qorynyń tapsyrysymen ázirlengen «Jergilikti ózin-ózi basqarý organdaryna saılaýda tikeleı daýys berýdi ótkizýdiń táýekelderi men múmkindikteri» atty zertteýdiń nátıjelerin usyndy.

Zertteý aýyldaǵy ekonomıkalyq ahýaldy, ondaǵy halyqtyń erekshelikterin, aýyl turǵyndarynyń saıası reformalarǵa qyzyǵýshylyǵy men elektoraldyq minez-qulqyn kórsetýge baǵyttalǵan.

Sondaı-aq Ulttyq keńes pen Prezıdenttik jastar kadry rezerviniń birlesken zertteý tobynyń jetekshisi Aleksandr Danılov Pavlodar, Qostanaı, Túrkistan jáne Shyǵys Qazaqstan oblystarynyń ákim saılaýy ótken aýyldyq okrýgterin aralaý negizinde ázirlengen taldamalyq baıandamany tanystyrdy.


Jańalyqtar

MURAǴAT