Erlan Qarın saıası qýǵyn-súrgin qurbandaryn tolyq aqtaý komıssııasynyń otyrysyn ótkizdi
2022 jylǵy 7 sáýir 19:00

Erlan Qarın saıası qýǵyn-súrgin qurbandaryn tolyq aqtaý komıssııasynyń otyrysyn ótkizdi

NUR-SULTAN. QazAqparat - Memlekettik hatshy Erlan Qarın Saıası qýǵyn-súrgin qurbandaryn tolyq aqtaý jónindegi memlekettik komıssııanyń otyrysyn ótkizdi, dep habarlaıdy QazAqparat.

Jıynda zertteýshi ǵalymdar júrgizgen ǵylymı izdenisterdiń nátıjeleri, memlekettik komıssııany zańdyq jáne termınologııalyq turǵydan qamtamasyz etý máseleleri qaraldy.

Memlekettik hatshy komıssııa sheńberinde arhıv materıaldaryn izdeý men taldaýdyń tıimdi júıesi qurylǵanyn, tarıhı jáne ǵylymı qujattardyń kólemi qalyptasqanyn atap ótti.

Sonymen qatar, memlekettik komıssııanyń 2022 jylǵa arnalǵan jumysynyń basym baǵyttary, atap aıtqanda, jınaqtalǵan arhıv materıalyna ǵylymı jáne zańdyq baǵa berýdi uıymdastyrý, termınologııalyq bazany qalyptastyrý, saıası qýǵyn-súrgin qurbandaryn aqtaý baǵytyndaǵy zańnamany jetildirýge qatysty tujyrymdamalyq qujattardyń jobalaryn daıyndaý máseleleri qarastyryldy.

Otyrys qorytyndysy boıynsha Memlekettik hatshy Jobalyq ofısti transformatsııalaýǵa, jumys toptaryn ońtaılandyrýǵa jáne komıssııa qyzmetin jańa mindetterge burýǵa qatysty birqatar tapsyrmalar berdi.


Seriktester jańalyqtary

Jańalyqtar

Úrdis

MURAǴAT