+7 (701) 759 90 19
USD 425.63 EUR 515.99
RUB 5.92 CNY 66.52
Jańalyqtar

Erlan Qarın: Prezıdenttik jer týraly zań «Halyq únine qulaq asatyn memleket» tujyrymdamasynyń tıimdiligin kórsetedi

2021 jylǵy 13 mamyr 09:20
Bólisińiz:
Erlan Qarın: Prezıdenttik jer týraly zań «Halyq únine qulaq asatyn memleket» tujyrymdamasynyń tıimdiligin kórsetedi

NUR-SULTAN. QazAqparat - Prezıdenttiń kómekshisi Erlan Qarın búgin qabyldanǵan jer qatynastary týraly zańǵa qatysty pikir bildirdi, dep habarlaıdy QazAqparat.

Uqsas jańalyqtar

«Aýyl sharýashylyǵy jerlerin sheteldikterge satý jáne jalǵa berý týraly kóp jylǵa sozylǵan qyzý talqyǵa birjola jáne túbegeıli núkte qoıyldy. Búgin Memleket basshysy «Qazaqstan Respýblıkasynyń keıbir zańnamalyq aktilerine jer qatynastary máseleleri boıynsha ózgerister men tolyqtyrýlar engizý týraly» zańǵa qol qoıdy. Qasym-Jomart Toqaev osy normany zań júzinde bekitý týraly sheshimdi bıylǵy 25 aqpanda Ulttyq qoǵamdyq senim keńesiniń V otyrysynda jarııalaǵan bolatyn. 12 naýryzda Prezıdent tıisti zań jobasyn Parlamenttiń qaraýyna arnaıy joldaǵan edi. Bul – Prezıdenttiń zań shyǵarý bastamashylyǵy boıynsha ázirlengen alǵashqy zań jobasy. Sol arqyly Qasym-Jomart Toqaev aýyl sharýashylyǵy maqsatyndaǵy jerlerdi sheteldikterge satýǵa jáne jalǵa berýge tyıym salý týraly máseleni birjola sheshkisi keletinin naqty kórsetti» dep jazdy Erlan Qarın Facebook paraqshasynda.

Onyń aıtýynsha, ótken aptada zań jobasy Parlamentte egjeı-tegjeıli jáne jan-jaqty talqylanyp, depýtattar maquldaǵan soń, Memleket basshysyna qol qoıýǵa usynylǵan.

«Іs júzinde Prezıdenttiń jer týraly zańy aýyl sharýashylyǵy maqsatyndaǵy jerlerdi sheteldikterdiń satyp alýyna jáne jalǵa alýyna tosqaýyl qoıdy. Bul - bıliktiń túrli daqpyrt pen qaýesetke bergen naqty jaýaby. Sondyqtan, osy másele boıynsha jurtty dúrbeleńge salýǵa budan bylaı esh negiz joqtyǵyna taǵy da basa nazar aýdarǵym keledi. Jalpy, atalǵan qujat «Halyq únine qulaq asatyn memleket» tujyrymdamasynyń tıimdiligin, qoǵamdyq jáne jalpyulttyq dıalog arqyly naqty nátıjege qol jetkizýge bolatynyn taǵy bir márte kórsetti. El damýynyń uzaqmerzimdi múddesine saı keletin dál osyndaı ustanymdar – Prezıdenttiń saıası baǵdarynyń ózegi» dep túıindeıdi sózin Prezıdenttiń kómekshisi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT