+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Erlan Qarın prezıdenttik saıası reformalar paketin júzege asyrý boıynsha zań jobalaryna pikir bildirdi

2021 jylǵy 5 mamyr 13:31
Bólisińiz:
Erlan Qarın prezıdenttik saıası reformalar paketin júzege asyrý boıynsha zań jobalaryna pikir bildirdi

NUR-SULTAN. QazAqparat - Májilistiń plenarlyq otyrysynda prezıdenttik saıası reformalar paketterin júzege asyrý boıynsha negizgi zań jobalary qaraldy. Bul týraly QR Prezıdentiniń keńesshisi Erlan Qarın Facebook-tegi paraqshasynda habarlady.

«Atap aıtqanda, Májilis depýtattary «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» Konstıtýtsııalyq zań jobasyn jáne «Qazaqstan Respýblıkasynyń keıbir zańnamalyq aktilerine saılaý máseleleri boıynsha ózgerister men tolyqtyrýlar engizý týraly» ilespe zań jobasyn birinshi oqylymda qabyldaǵan bolatyn» dep jazdy Erlan Qarın.

QR Prezıdentiniń keńesshisi budan bólek, 13 sáýirde, Májilistiń Zańnama jáne sot-quqyqtyq reforma komıtetinde atalǵan zań jobalarynyń tanystyrylymy ótkenin aıtty. Odan keıin bul qujattar boıynsha jumys tobynyń 12 otyrysy ótkizildi. Zań jobalaryn talqylaýǵa Ulttyq qoǵamdyq senim keńesiniń músheleri Marat Shıbýtov, Rakhim Oshakbayev, Andreı Chebotarev, Marat Bashimov, Eldar Jýmagazıev jáne basqa azamattar qatysqan.

«Osy aıtylǵan qujattar aýyl ákimderin tikeleı saılaý, saıası partııalardyń Májiliske ótýi úshin belgilengen shekti baǵamdy 7-den 5 paıyzǵa deıin tómendetý jáne barlyq deńgeıdegi saılaý bıýlletenderine «barshaǵa qarsy» baǵanyn qosý máselesine qatysty qoldanystaǵy zańnamaǵa ózgerister engizýdi kózdeıdi. Osyǵan oraı «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» Konstıtýtsııalyq zań jobasyna sáıkes aýyl ákimderiniń saılaýyn taǵaıyndaý jáne ótkizý, kandıdattardy usyný jáne tirkeý, kandıdattarǵa qoıylatyn talaptar jáne basqa da máseleler boıynsha qoldanystaǵy zańnamaǵa túzetýler engizý josparlanyp otyr.

Al, «Qazaqstan Respýblıkasynyń keıbir zańnamalyq aktilerine saılaý máseleleri boıynsha ózerister men tolyqtyrýlar engizý týraly» zań jobasynda «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly», «Qazaqstan Respýblıkasynyń memlekettik qyzmeti týraly», «Saıası partııalar týraly» zańdarǵa jańa normalar engizý kózdelgen» dep jazdy Erlan Qarın.

Onyń aıtýynsha, osy ózgerister men tolyqtyrýlar qoldanystaǵy zańnamaǵa engizilgennen keıin aýyl ákimderin tikeleı saılaýdyń jalpyǵa ortaq tártibi belgilenedi. Jalpy, 4 jyl ishinde 2 345 ákimdi, sonyń ishinde 2021 jyly 836 ákimdi saılaý josparlanyp otyr. Bul normalardyń qabyldanýy saıası básekeni damytýǵa jáne azamattardyń saıası belsendiligin arttyrýǵa septigin tıgizedi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT