Erlan Qarın Qazaqstan saıasattanýshylarynyń H Kongresine qatysty
2022 jylǵy 20 mamyr 13:51

Erlan Qarın Qazaqstan saıasattanýshylarynyń H Kongresine qatysty

NUR-SULTAN. QazAqparat - Memlekettik hatshy Erlan Qarın Almaty qalasynda ótken saıasattanýshylardyń «Jańa álemdegi Jańa Qazaqstan» atty H Kongresine qatysyp, elimiz ben álemde bolyp jatqan protsesterdiń barlyǵyn tereń saraptaýdyń mańyzdy ekenin atap ótti, dep habarlaıdy QazAqparat Aqordaǵa silteme jasap.

Erlan Qarınniń aıtýynsha, oqıǵalar men qubylystarǵa sapaly saraptama jasaý úshin onyń san alýan sebebin eskere otyryp, jan-jaqty zertteý kerek. Sonymen qatar, sarapshylardyń talqylaýlary men pikir almasýlaryn uıymdastyrǵan jón.

Memlekettik hatshy Jańa Qazaqstan týraly pikirtalasty álemdik saıası jáne ekonomıkalyq damýdyń negizgi úrdisterdi eskere jasaý qajet ekenin aıtty.

Prezıdenttiń elimizdi saıası jańǵyrtý turǵysyndaǵy bastamalary jaıynda sóz qozǵap, konstıtýtsııalyq reforma men aldaǵy referendýmnyń máni men mańyzyna erekshe toqtaldy.

Memlekettik hatshynyń pikirinshe, konstıtýtsııalyq reformalardyń nátıjesinde sýperprezıdenttik basqarý úlgisinen prezıdenttik respýblıkaǵa kóshýge, birqatar bılik ókilettilikterin qaıta bólýge, Parlamenttiń róli men mártebesin kúsheıtýge, eldi basqarý isine halyqtyń aralasýyn arttyrýǵa, azamattardyń Ata zańmen belgilengen quqyqtarynyń mehanızmin jetildirýge qol jetkizemiz.

Aıta keteıik, basqosýǵa belgili sarapshylar, saıasattanýshylar, áleýmettanýshylar, tarıhshylar men gýmanıtarlyq salanyń ózge de ókilderi qatysty.


Jańalyqtar

MURAǴAT