+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Erlan Qarın: «Beıbit jıyndar týraly» zań — qoǵamdy demokratııalandyrý baǵytyndaǵy mańyzdy oqıǵa

2020 jylǵy 25 mamyr 16:16
Bólisińiz:
Erlan Qarın: «Beıbit jıyndar týraly» zań — qoǵamdy demokratııalandyrý baǵytyndaǵy mańyzdy oqıǵa

NUR-SULTAN. QazAqparat - QR Prezıdentiniń keńesshisi Erlan Qarın Memleket basshysy qol qoıǵan «Beıbit jıyndar týraly» jańa zańǵa qatysty pikir bildirdi, dep habarlaıdy QazAqparat.

«Memleket basshysy «Beıbit jıyndar týraly» jańa zańǵa qol qoıdy. Bul Ulttyq keńestiń aıasynda usynylyp, daıyndalǵan prezıdenttik saıası reformalar paketiniń alǵashqy úlken nátıjeleriniń biri. Tuńǵysh ret ulttyq zańnamada beıbit jıyndar men sherýlerdi ótkizýde ruqsat alý tártibiniń ornyna habarlandyrý tártibi engizilip otyr» dep jazdy ol.

Sondaı-aq, Erlan Qarın jańa zańǵa sáıkes árbir qalanyń aýdandarynyń ortalyǵynda mindetti túrde úsh oryn beriletinin aıtty. Odan bólek, eger jıyn ıa sherý barysynda zań buzýshylyq oryn alyp, uıymdastyrýshylar tarapynan tıisti sharalar qabyldansa, ol jıyn toqtatylmaıtynan, ıaǵnı jańa zań azamattarǵa beıbit jıyndy ótkizýdegi quqyǵyn basymdyq retinde bekitkenin atap ótti.

«Bul zańnyń qabyldanýy elimizdiń saıası qoǵamdyq ómiriniń odan ári demokratııalandyrý baǵytyndaǵy mańyzdy oqıǵa bolyp tabylady. Sonymen qatar, Prezıdent Qasym-Jomart Toqaevtyń bastamasymen qurylǵan Ulttyq qoǵamdyq senim keńesiniń nátıjeli jumysynyń aıqyn kórinisteriniń biri. Ulttyq keńestiń músheleri atalǵan zańnyń daıyndalýynan bastap, talqylaýlardyń barlyq satylaryna belsene at salysyp, zań jobasynyń jetildirýine úlken úles qosty. Sondyqtan osy zańnyń qabyldanýymen Ulttyq keńestegi áriptesterimdi de quttyqtap, alǵysymdy bildiremin» dep pikir bildirgen óz jazbasynda.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT