+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Erkin kúresten Tokıo olımpıadasyna qatysatyn balýandar quramy belgili boldy

2021 jylǵy 13 maýsym 16:38
Bólisińiz:
Erkin kúresten Tokıo olımpıadasyna qatysatyn balýandar quramy belgili boldy

NUR-SULTAN. QazAqparat - Erkin kúresten Qazaqstan komandasynyń bas bapkeri Áset Serikbaev Tokıo Olımpıadasynda baq synaıtyn balýandar tizimin jarııalady, dep habarlaıdy QazAqparat Olympic.kz saıtyna silteme jasap.

Uqsas jańalyqtar
Serik Sápıev mádenıet pen sportty bólý máselesine qatysty pikir bildirdi Olga Rypakova sportpen qosh aıtysty Fýtboldan Konferentsııa kýbogy: «Astana» teń túsip, «Tobyl» jeńildi

Otandyq erkin kúres sheberleri tórtjyldyq dodasynda bes salmaq dárejesinde beldesedi.

Tokıo Olımpıadasynda erkin kúresten tómendegi balýandar el namysyn qorǵaıdy:

57 keli: Nurıslam Sanaev (Aqtóbe oblysy)

65 keli:Dáýlet Nııazbekov (Qyzylorda oblysy)

74 keli: Danııar Qaısanov (ShQO)

97 keli: Álisher Erǵalı (Jambyl oblysy)

125 keli: ıÝsýp Batyrmurzaev (Aqtóbe oblysy)

Bas bapker Áset Serikbaevtyń aıtýynsha, 74 jáne 125 kelige deıingi salmaqta Olımpıadaǵa kimderdiń qatysatyny eń sońǵy sátke deıin belgisiz bolǵan.

«Balýandarymyz Polshada ótken Vatslav Tsıolkovskıı memorıalynda synǵa tústi. Bul reıtıngilik týrnır bolǵandyqtan, keıbir salmaqtaǵy máseleler osy básekeden soń sheshiledi degen qorytyndyǵa keldik. Biz 74 jáne 125 kelidegi balýandardy osy jarysta baqylap, jaqsy nátıje kórsetken sportshyny Tokıoǵa aparýdy josparladyq. Ózderińiz de kórdińizder, Danııar Qaısanov (74 keli) pen ıÝsýp Batyrmurzaev (125 keli) týrnırde úzdik úshtik qataryna endi. Elge kelgen soń bapkerlermen aqyldasyp, sońǵy reıtıngilik týrnırde júldege ilikken sportshylardy quramǵa qostyq. Biz bárine de múmkindik berdik. Olımpıadanyń bastalýyna bir aıdan sál ǵana asatyn ýaqyt qaldy. Maqsatty túrde daıyndalý úshin quramdy jarııaladyq. Tokıo oıyndaryna deıin eki-oqý jattyǵý jıynyn ótkizemiz», - deıdi Serikbaev.
Bizdiń kanalymyzǵa jazylyńyz:

#Sport  
Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT