Eriktilerimizdi maqtan tutamyn – Qazaqstan Prezıdenti

NUR-SULTAN. QazAqparat - Eriktilerimizdi maqtan tutamyn jáne olardyń orasan zor ári paıdaly jumystaryna, ásirese, pandemııa kezindegi eńbekteri úshin rızashylyǵymdy bildiremin. QR Prezıdenti Qasym-Jomart Toqaev Twitter-degi paraqshasynda osylaı jazdy, dep habarlaıdy QazAqparat.

«Búgin búkil álemde Halyqaralyq volonterlar kúni atap ótilýde. Olar, shyn máninde, qarapaıym adamdardyń múddeleri úshin qaıyrymdylyqtyń, shynaıylyqtyń, ımandylyqtyń sımvolyna aınaldy. Volonterlik – naǵyz patrıotızmniń kórinisi. Osy jyldy Volonterler jyly dep jarııaladym», - dedi Memleket basshysy.

Sondaı-aq Q.Toqaev elimiz volonterlerin maqtan tutatynyn jazdy.

«Eriktilerimizdi maqtan tutamyn jáne olardyń orasan zor ári paıdaly jumystaryna, ásirese, pandemııa kezindegi eńbekteri úshin rızashylyǵymdy bildiremin. Volonterlik ýaqytsha naýqan emes, ol on myńdaǵan azamattarymyzdyń jan tebirenisi. Biz árqashanda birgemiz!», - dep atap ótti QR Prezıdenti.