Erevan polıtsııasy oppozıtsııa sherýin toqtatýǵa kiristi
2022 jylǵy 5 mamyr 16:53

Erevan polıtsııasy oppozıtsııa sherýin toqtatýǵa kiristi

EREVAN. TASS – QazAqparat – Beısenbi kúni tańerteń Armenııanyń arnaıy kúshteri Erevannyń ortalyǵyndaǵy oppozıtsııalyq sherýdi toqtatyp, belsendilerdi ustaýǵa kiristi. Bul týraly TASS agenttigi jazýda, dep habarlaıdy QazAqparat.

Armenpress agenttiginiń saıtynda Ulttyq qaýipsizdik qyzmetiniń ereýilshilerge jáne ózge el azamattaryna arnalǵan habarlamasy ornalastyrylǵan. Onda Erevandaǵy aktsııaǵa qatysýshylar Armenııa Respýblıkasy Ulttyq jınalysynyń kezekti sessııasy barysynda quqyqqa qaıshy áreketterge barýǵa, ereýilge qatysýshylardy Ulttyq jınalys ǵımaratyn basyp alýǵa ıtermeleýdi josparlap otyrǵany, solaısha eldiń ishki qaýipsizdigin buzý, qoǵamdyq tártip pen qaýipsizdikke zııan keltirý kózdelgeni týraly rastalǵan shuǵyl málimet túskeni aıtylady.

«...Ulttyq qaýipsizdik qyzmeti zańǵa baǵynatyn barlyq azamattardy arańdatýǵa boı aldyrmaýǵa, zańsyz qadamnan bas tartýǵa shaqyrady. Olaı bolmaǵan jaǵdaıda qylmystyq jaýapkershilik aýyrtpalyǵyn barlyǵy birdeı tartatyn bolady», - delingen vedomstvo habarlamasynda.

Al TASS agenttiginiń Armenııanyń jergilikti portaldaryna silteme jasap jazýynsha, aktsııa kezinde ondaǵan adam ustalǵan.

«Qyzyl beretter» óte agressıvti. Olar arandatýshylyq jasap, jańa ǵana beıbit mıtıng ótkizip jatqan belsendilerimizdi ustady», - dedi sherýge qatysýshy, «Armenııa» oppozıtsııalyq fraktsııasynyń depýtaty Gegam Manýkıan jýrnalısterge.

«Qazir narazylyqqa shyǵýshylar Armenııa astanasynyń ortalyq kóshelerinde sherýildep júr. Oppozıtsııa sherýleri Erevannyń basqa aýdandarynda da ótýde», - dep jazady TASS.



Uqsas jańalyqtar

Jańalyqtar

Úrdis

MURAǴAT