+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Erbolat Dosaev ınflıatsııaǵa qatysty túsinik berdi

2021 jylǵy 20 mamyr 11:15
Bólisińiz:
Erbolat Dosaev ınflıatsııaǵa qatysty túsinik berdi

NUR-SULTAN. QazAqparat – Ulttyq bankiniń tóraǵasy Erbolat Dosaev ınflıatsııanyń nysanaly dálizine qatysty pikir bildirdi, dep habarlaıdy QazAqparat tilshisi.

Uqsas jańalyqtar

«Qazaqstanda Ulttyq banktiń kásiporyndarǵa júrgizetin saýalnamasy ulttyq ekonomıkanyń qalpyna kele bastaǵanyn kórsetedi. Bıylǵy jylǵy 1-toqsanda iskerlik belsendilik ındeksi 2020 jyldyń basynan bastap alǵash ret ósý aımaǵyna (50+) ótti. Bıylǵy jylǵy naýryzda qyzmet kórsetý sektory (50,7) jáne ónerkásip (50,4) tarapynan oń úles qosý nátıjesinde ındeks 50,6 tarmaqqa, osy jylǵy sáýirde 50,5 tarmaqqa jetti. Munaıdyń barynsha joǵary baǵasy, memlekettiń qoldaý sharalaryn jalǵastyrýy jáne jappaı vaktsına egýdiń bastalýy aıasynda ekonomıkanyń qalpyna kele bastaýy 2021 jyly Qazaqstandaǵy ekonomıkalyq ósý jónindegi boljamdardy jaqsartýǵa múmkindik berdi. Qazirgi qolaıly syrtqy jaǵdaılar saqtalǵan jáne qatań shekteýler bolmaǵan jaǵdaıda, Halyqaralyq Valıýta Qory 2021 jyly álemdik ekonomıkanyń ishki jalpy óniminiń 6 paıyzǵa ulǵaıýyn, Qazaqstandaǵy ishki jalpy ónimniń 3,2 % deńgeıinde ósýin kútedi», - dedi UB basshysy Senattyń jalpy otyrysynda.

Joǵaryda atalǵandardy eskere otyryp, Ulttyq bank 2021 jylǵa arnalǵan aqsha-kredıt saıasaty kórsetkishteriniń jáne tólem balansynyń jańartylǵan boljamdaryn usyndy.

Osy oraıda Ulttyq bank ınflıatsııaǵa qatysty onyń

2021 jyldyń sońyna qaraı 4-6% nysanaly dáliziniń joǵarǵy shegine deıin baıaýlaýyn kútedi. 2020 jyly ınflıatsııanyń 7,5%-ke deıin údeýin naryqtarda jekelegen azyq-túlik ónimderi teńgerimsizdiginiń kúsheıýi, karantındik sharalar jaǵdaıynda shıkizat pen ónimdi jetkizý tizbeginiń buzylýy aıasyndaǵy azyq-túlik baǵasynyń ósýi týyndatty.

«Bıylǵy jylǵy sáýirde Qazaqstanda ınflıatsııa azyq-túlik ınflıatsııasynyń 10,7 paıyzdan 9,8 paıyzǵa deıin tómendeýi esebinen ekinshi aı qatarynan 7 % deńgeıinde saqtaldy. Azyq-túlikke jatpaıtyn ınflıatsııa iskerlik belsendiliktiń iske qosylýy, halyq tabysynyń qalpyna kelýi nátıjesinde 5,6 paıyzdan 6,4 paıyzǵa deıin jyldamdady. Aqyly qyzmetter ınflıatsııasy 3,7 paıyzdan 4,1 paıyzǵa deıin jedeldedi, bul jeke qyzmet oryndary qyzmetteriniń qymbattaý nátıjesinde oryn aldy. 2021 jyly ınflıatsııa 4-6% nysanaly dálizine kirý úshin áli de joǵarǵy kórsetkishte saqtalyp otyrǵan azyq-túlik baǵasy ósýiniń baıaýlaýy negizgi faktor bolyp otyr», - dedi Dosaev.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT