Erbol Qarashókeev azyq-túlik baǵalaryn turaqtandyrý is-sharalaryn atady
2022 jylǵy 12 qańtar 10:31

Erbol Qarashókeev azyq-túlik baǵalaryn turaqtandyrý is-sharalaryn atady

NUR-SULTAN. QazAqparat – Úkimet otyrysynda QR Aýyl sharýashylyǵy mınıstri Erbol Qarashókeev azyq-túlik baǵalaryn turaqtandyrý is-sharalaryn atady, dep habarlaıdy QazAqparat tilshisi.

«Memleket basshysynyń tapsyrmasymen áleýmettik mańyzy bar azyq-túlik taýarlarynyń baǵasyn turaqtandyrý maqsatynda Agroónerkásiptik keshendi damytýdyń 2025 jylǵa deıingi ulttyq jobasy aıasynda ımportty almastyrý jónindegi is-sharalar kesheni kózdeldi. Mınıstrlik mynandaı jedel sharalar qabyldady: 2022 jylǵy 1 shildege deıingi merzimge 125 myń tonna kúnbaǵys tuqymdary men 110 myń tonna kúnbaǵys maıy eksportyna sandyq shekteýler engizý; kartop pen sábizdi eksporttaýǵa 3 aı merzimge tyıym salý; iri qara mal men usaq maldy eksporttaýǵa 6 aı merzimge tyıym salý», - dedi mınıstr.

Sondaı-aq ol nan baǵasyn turaqtandyrý maqsatynda qańtardan bastap Azyq-túlik kelisimshart korporatsııasy áleýmettik nan óndirý úshin óńirlerge ótkizetin astyq quny sýbsıdııalanatyndyǵyn aıtty.

«Bul tetik Azyq-túlik kelisimshart korporatsııasynyń ishki naryqqa astyqty naryqtaǵydan tómen baǵamen ótkizý shyǵystaryn óteýdi kózdeıdi», - dedi Erbol Qarashókeev.


Jańalyqtar

MURAǴAT