+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Eraly Toǵjanov: Jaýapkershiligi bar ShOB nysandarynyń jumys isteýine barlyq jaǵdaı jasalady

2021 jylǵy 30 shilde 19:26
Bólisińiz:
Eraly Toǵjanov: Jaýapkershiligi bar ShOB nysandarynyń jumys isteýine barlyq jaǵdaı jasalady

NUR-SULTAN. QazAqparat - Búgin Premer-Mınıstrdiń orynbasary Eraly Toǵjanov Ashyq jobasyna belsendi qatysatyn bıznes-qoǵamdastyq ókilderimen onlaında kezdesý ótkizdi, dep habarlaıdy QazAqparat primeminister.kz-ke silteme jasap.

Uqsas jańalyqtar
«Ashyq» jobasyna jańa qatysýshylardy qosý algorıtmi qandaı Jańa qaýly: Kelesi aptadan bastap Túrkistan oblysynda karantın shekteýleri jeńildeıdi Almatyda karantın talaptaryn buzǵan 14 mekeme ıesi aıyppul tóleıdi

Atalmysh joba Memleket basshysynyń tapsyrmasy boıynsha iske asyryldy jáne búgingi kúni óziniń tıimdiligin kórsetti. Keńeske memlekettik organdardyń basshylary, barlyq óńirlerdiń ákimdikteri, «Atameken» ulttyq kásipkerler palatasy jáne Ashyq jobasynyń kóshbasshylary qatysty. Qazir Ashyq júıesinde 45 myńnan astam kásipkerlik obektisi jumys isteıdi, 4 mln astam paıdalanýshy tirkelgen. Ashyq jobasy engizilgen sátten bastap «qyzyl» jáne «sary» mártebesi bar 23 myńnan astam kelýshi anyqtaldy (onyń ishinde oń PTR testi bar 13 516 azamat jáne 9 688 – naýqastarmen qarym-qatynasta bolǵandar).

Vıtse-premer elimizdegi epıdemıologııalyq jaǵdaı óte kúrdeli ekenin, 16 óńir «qyzyl» aımaqta turǵanyn atap ótti. Elimizdiń emdeý statsıonarlaryndaǵy tósek oryndarynyń tolymdylyǵy 54%-ǵa jetti. Densaýlyq saqtaý júıesi ótken jylmen salystyrǵanda eki ese kóp júktememen jumys jasap jatyr.

Koronavırýs ınfektsııasyn taratpaý jónindegi jaǵdaıdy basqarý, kásipkerler tarapynan eldegi kúrdeli jaǵdaıǵa túsinistikpen qaraýy jáne járdemdesýi pandemııamen kúreste óte mańyzdy faktor.

Ashyq júıesi aıasyndaǵy jumys áleýmettik-ekonomıkalyq nysandardaǵy sanıtarııa-epıdemıologııa jaǵdaıyn baqylaýǵa alyp qana qoımaı, bıznestiń fýnktsıonalyn joǵaltpaýǵa, jumys oryndaryn saqtaýǵa múmkindik berdi. Bıznes ókilderi óz tarapynan karantın jaǵdaıynda jumys isteýge múmkindik bergeni úshin alǵys bildirip, ózderine alǵan barlyq mindettemeni odan ári saqtaýdy jalǵastyratynyn jáne áriptesterin de osyǵan shaqyratynyn jetkizdi.


«Biz ekonomıkanyń damýyn, sondaı-aq 2 mln-nan astam adam jumys jasaıtyn qyzmet kórsetý sektoryndaǵy shaǵyn jáne orta bıznestiń jumysyn toqtatpaý úshin árqashan kásipkerlerdiń adal jumysyn ustanamyz. Memlekettiń senimdi ári jaýapkershilikti bızneske qoldaý bildirgenine rızamyz», — dedi «Atameken» UKP basqarma tóraǵasy A. Myrzahmetov.

Sondaı-aq, kásipkerler eki aptanyń monıtorıngi boıynsha 2-9 tamyz aralyǵynda úzdik kórsetkishterge ıe bolǵan júıe kóshbasshylaryna demalys kúnderi jumys isteýge múmkindik berýdi qarastyrý týraly bastama kóterdi. Budan bólek, Ashyq jobasy kóshbasshylarynyń qoǵamdyq qozǵalysyn qurý týraly sheshim qabyldandy.


E. Toǵjanov memleket ShOB jaýapty nysandarynyń jumysy úshin barlyq jaǵdaıdy jasaıtynyn aıtty. Tabys tabý men azamattardyń densaýlyǵyn qorǵaý arasyndaǵy tepe-teńdikti tabý qajettiligine shaqyrdy. Sondaı-aq, ol qalypty ómir tirshiligine qaıta oralýdyń jalǵyz joly – vaktsına alý ekenin jáne ujymdyq ımmýnıtetti qalyptastyrý úshin vaktsına alýdyń mańyzdylyǵy týraly keń aqparattyq saıasat júrgizý kerektigin atap ótti.

Kezdesýdi qorytyndylaı kele, premer-mınıstrdiń orynbasary jaýapty memlekettik organdar men ákimdikterge «Atameken» UKP-men birlesip, barlyq aıtylǵan bastamalardy pysyqtaýdy jáne qajet bolǵan jaǵdaıda koronavırýs ınfektsııasynyń taralýyna jol bermeý jónindegi vedomstvoaralyq komıssııa otyrysynda kelisilgen usynystardy engizýdi tapsyrdy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT