+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Eraly Toǵjanov Shymkentte vedomstvoaralyq komıssııanyń kóshpeli otyrysyn ótkizdi

2021 jylǵy 9 qyrkúıek 16:50
Bólisińiz:
Eraly Toǵjanov Shymkentte vedomstvoaralyq komıssııanyń kóshpeli otyrysyn ótkizdi

ShYMKENT. QazAqparat - Búgin Prezıdent Qasym-Jomart Toqaevtyń Qazaqstan halqyna Joldaýynda berilgen tapsyrmalaryn túsindirý jáne oryndaý jónindegi jumys sapary aıasynda Premer-Mınıstrdiń orynbasary Eraly Toǵjanov bastaǵan úkimettik delegatsııa Shymkent qalasynyń áleýmettik nysandaryn aralady, dep habarlaıdy QazAqparat Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram paraqshasyna silteme jasap.

Vedomstvoaralyq komıssııanyń kóshpeli otyrysynda Vıtse-Premer respýblıka boıynsha vaktsınatsııamen qamtýdyń joǵary qarqynynyń arqasynda Shymkent qalasyndaǵy epıdemıologııalyq ahýaldyń turaqtanǵany týraly atap ótti. Sonymen qatar Eraly Toǵjanov ákimdiktiń aldyna memlekettik densaýlyq saqtaý baǵdarlamasynyń barlyq maqsatty ındıkatorlaryna qol jetkizý qajettiligi týraly mindet qoıdy. Sondaı-aq, oqý jylynyń dástúrli formatta bastalýyna baılanysty mektepterde sanıtarııalyq normalardy saqtaý jumystaryn kúsheıtý tapsyryldy.

Qalanyń medıtsınalyq mekemeleri ujymdarymen kezdesý barysynda E. Toǵjanov memlekettiń qarjylyq qoldaýynyń arqasynda medıtsınalyq mekemeler azamattarǵa sapaly medıtsınalyq kómek kórsetý úshin zamanaýı jabdyqtarmen qamtamasyz etilgenin atap ótti.

«Nızamhan» jeke mektebin aralaý barysynda Eraly Toǵjanov Shymkent qalasyndaǵy jeke mektepter jelisin damytý boıynsha jumysqa oń baǵa berip, osy baǵyttaǵy jumysty jalǵastyrýdy tapsyrdy.

Prezıdent Joldaýynda eldegi bıologııalyq qaýipsizdikti jáne naryqty otandyq dári-dármektermen qamtamasyz etýdi tapsyrdy. «Hımfarm» AQ, «KazMedPribor» JShS aralaý barysynda memlekettik organdarǵa otandyq óndirýshilerge qoldaý kórsetý boıynsha naqty tapsyrmalar berildi. Sapar sońynda vıtse-premer E. Toǵjanov qala basshylyǵyna birqatar tapsyrma berdi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT