+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Eraly Toǵjanov pen Jeńis Qasymbek kenshiler máselesin talqylady

2019 jylǵy 18 qazan 15:35
Bólisińiz:
Eraly Toǵjanov pen Jeńis Qasymbek kenshiler máselesin talqylady

QARAǴANDY. QazAqparat - Eraly Toǵjanov kenshilermen úsh saǵat jer astyndaǵy kezdesýden keıin Qaraǵandy oblysy ákimimen birge kókeıtesti máselelerdi talqylady, dep habarlaıdy QazAqparat Kásipodaqtar federatsııasynyń baspasóz qyzmetine silteme jasap.

Uqsas jańalyqtar

Qaraǵandy qalasynda Qazaqstan Respýblıkasy Kásipodaqtar Federatsııasy men oblys ákimdigi arasynda ózara yntymaqtastyq týraly memorandýmǵa qol qoıyldy. Qujatqa QRKF tóraǵasy Eraly Toǵjanov pen Qaraǵandy oblysynyń ákimi Jeńis Qasymbek qol qoıyp, bekitti.


Memorandým aıasynda taraptar áleýmettik-eńbek qatynastaryn retteýde jáne áleýmettik bastamalardy júzege asyrýdaǵy ózekti máseleler boıynsha ustanymdaryn aıqyndap, birlesken sharalar qabyldaýǵa kelisti.


Memorandýmǵa qol qoıý barysynda QRKF basshysy yntymaqtastyq aıasynda keleshekte kezek kúttirmeıtin mindetterge toqtaldy.


Kásipodaqtar tóraǵasy oblys ákimine kezdesýge kelgenge deıin arnaıy «ArselorMıttal Temirtaý» AQ kómir departamentine qarasty T.Kúzembaev atyndaǵy shahtaǵa túsip, 600 metrlik jer asty zaboılaryndaǵy kenshilermen júzdesip, árqaısynyń kókeıtesti máselelerin bilip qaıtqanyn jetkizdi.


Eraly Toǵjanovtyń aıtýynsha, kenshilerdiń basym bóligi jer astyndaǵy shahterlardyń aýyr eńbegin eskerip, zeınet jasyn 50-ge deıin tómendetý jónindegi usynystaryn bildirgen. Sonymen qatar, kenshi mamandyǵyna jastardyń qyzyǵýshylyǵynyń kúrt tómendep, búginde qaraǵandylyq shahterlardyń orta jasy 45 ekendikterin de aıtqan.


Osy atalǵan máselelerdi eskere otyryp, QRKF tóraǵasy oblys ákimimen birge Úkimet atyna birlesken usynystaryn daıyndap jetkizý qajet degen pikirin bildirdi.

Sonymen birge, jumysshylardyń áleýmettik-ekonomıkalyq quqyqtaryn qorǵaý maqsatynda kásiporyndardy ujymdyq sharttar jasaýǵa keńinen tartý máseleleri de qozǵaldy.

Búginde Qaraǵandy oblysynda jumys istep turǵan 21 426 kásiporyndarmen 4 056 ujymdyq shart jasalsa, bul olardyń 18,9 paıyzyn ǵana qamtyp otyr.

Kásipodaqtardy alańdatatyn másele - óńir boıynsha kásiporyndardyń 81 paıyzy ujymdyq shart jasamaǵandyǵynan olardyń jumysshylarynyń quqyǵy qorǵalmaıtyndyǵy.

Kásipodaqtar úshin taǵy bir ótkir kúıinde qalyp otyrǵan jaǵdaı - óndiristik jaraqat pen kásibı syrqattardy azaıtý máselesi.

Eraly Toǵjanov osy ýaqyt ishinde Qaraǵandy oblysy boıynsha óndiriste 92 adam zardap shegip, onyń 12-si qaıtys bolǵandyǵyn atap ótti.

Sondaı-aq, Qaraǵandy oblysy boıynsha kásibı syrqatqa shaldyqqandar 65,8 paıyz bolsa, Shyǵys Qazaqstan oblysynda - 25 paıyz.

- Kásipodaqtar úshin jumys berýshilerdiń ujymdyq kelisimshartta kórsetilgen saýyqtyrý sharalary men áleýmettik kepildikterdi júzege asyrýy mańyzdy, - dep atap ótti Eraly Toǵjanov.

Bul kúni QR Kásipodaqtar federatsııasy tóraǵasy professor H.M.Maqajanov atyndaǵy oblystyq travmatologııa jáne ortopedııa ortalyǵynyń kásipodaq aktıvimen kezdesti.


Kezdesý barysynda Qaraǵandy oblysynda 1-shi qyrkúıekten bastalǵan mindetti áleýmettik saqtandyrý pılottyq jobasynyń tusaýkeseri ótkizildi.

Jańa formattaǵy medıtsınalyq qyzmettiń nátıjelerimen tanysqan Eraly Toǵjanov kásipodaqtar eńbekker halyqtyń densaýlyǵyn qorǵaýdaǵy atqarylyp jatqan isterge qoldaý tanytyp qana qoımaı, bul baǵytta birlese jumys isteýge ázir ekendikterin jetkizdi.

«QR Prezıdenti Qasym-Jomart Toqaevtyń «Syndarly qoǵamdyq dıalog-Qazaqstannyń turaqtylyǵy men órkendeýiniń negizi» Joldaýynda medıtsınalyq qyzmet kórsetýdiń sapasy men qoljetimdiligin qamtamasyz etýde mindetti medıtsınalyq saqtandyrý júıesin engizý jóninde atap aıtyldy.

Medıtsınalyq kómektiń jańa modelin engizý dárigerlerdiń jalaqysyn kóbeıtýge,eńbek jaǵdaılaryn jaqsartýǵa, jumys ýaqytyn ońtaılandyrýǵa jáne densaýlyq salasyndaǵy birqatar kadrlyq máselelerdi sheshýge septigin tıgizedi.

Kásipodaqtardyń taǵy bir mańyzdy mindeti - densaýlyq salasy qyzmetkerleriniń kásibı mindetin atqarýyna qoldaý kórsetý bolyp tabylady. Bul turǵyda kásipodaqtar áleýmettik áriptesterimen birge Qazaqstandyq dárigerlerdiń kásibı qyzmetterin atqarýyna qoldaý kórsetip qana qoımaı, zań aıasynda qorǵaýǵa belsene atsalysatyn bolady», - dedi QRKF tóraǵasy.

Kezdesý qorytyndysynda QRKF tóraǵasy Professor H.J.Maqajanov atyndaǵy oblystyq travmatologııa jáne ortopedııa ortalyǵynyń dırektory E.T. Qurmanǵalıevti QRKF-nyń «Úzdik áleýmettik áriptes» belgisimen marapattady.

Úzdik kásipodaq belsendileri men kásipodaq qozǵalysynyń músheleri «SENIM» densaýlyq saqtaý qyzmetkerleriniń salalyq kásipodaǵynyń 250 myń teńgelik sertıfıkattaryna ıe boldy.

Búginde «SENIM» densaýlyq saqtaý qyzmetkerleriniń salalyq kásipodaǵynyń Qaraǵandy oblysy boıynsha 50 bastaýysh uıymy qurylǵan, olardyń qatarynda 21 myń 384 kásipodaq múshesi bar.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT