+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Eraly Toǵjanov: Múmkindigi shekteýli jandardy áleýmettik qoldaý el basshylyǵynyń nazarynda

2020 jylǵy 27 aqpan 19:42
Bólisińiz:
Eraly Toǵjanov: Múmkindigi shekteýli jandardy áleýmettik qoldaý el basshylyǵynyń nazarynda

NUR-SULTAN. QazAqparat - Búgin QR Premer-Mınıstriniń orynbasary Eraly Toǵjanov Japonııadaǵy Paralımpıada oıyndaryna daıyndyq aıasynda Nur-Sultan qalasyndaǵy Paralımpıadalyq jattyǵý ortalyǵy qyzmetimen tanysty, dep habarlaıdy QazAqparat vıtse-premerdiń apparatyna silteme jasap.

Paralımpıadalyq jattyǵý ortalyǵynda Qazaqstan qurama komandasynyń oqý-jattyǵý jıyndary, sheteldik komandalarmen birlesken jıyndar, sonymen qatar túrli sporttyq básekeler ótedi.

Qazaqstan Respýblıkasynyń Paralımpıadalyq quramasyna sportyń 13 túrinen barlyǵy 523 sportshy kiredi.

Esterińizge salaıyq, 2019 jyldyń mamyrynda ortalyqty aralaý barysynda Prezıdent Qasym-JomartToqaev Tokıoda ótetin Paralımpıada oıyndarynda tabysty óner kórsetý úshin Qazaqstan quramasyna barlyq uıymdastyrý jáne qarjylyq qoldaý kórsetiletindigin aıtqan bolatyn.


Paralımpıadalyq jattyǵý ortalyǵy 2018 jyldyń 4 shildesinde Tuńǵysh Prezıdent Nursultan Nazarbaevtyń qatysýymen ashyldy.

Qazaqstanda ázirge teńdesi joq ortalyq jazǵy jáne qysqy paralımpıadalyq sport túrleri boıynsha ulttyq qurama komandalar men sporttyq rezervti sapaly ári kásibı jattyǵýyna arnalyp salynǵan. Múmkindigi shekteýli jandarǵa arnalǵan mundaı ortalyq AQSh, Ulybrıtanııa, Japonııa jáne Ońtústik Koreıada ǵana bar.

Ortalyq barlyq qajetti qural-jabdyqtarmen jaraqtalǵan.

QR Premer-Mınıstriniń orynbasary Eraly Toǵjanovqa ortalyqty tanystyrǵan QR Ulttyq Paralımpıadalyq komıtettiń tóraǵasy Qaırat Boranbaev elimizdegi paralımpıada qozǵalysynyń qyzmeti men múmkindigi shekteýli jandar arasyndaǵy buqaralyq sporttyń damýy jóninde áńgimeledi.


Onyń aıtýynsha, ortalyq qurylysy men jabdyqtaý barysynda múmkindigi shekteýli jandardyń barlyq qajettilikteri eskerilgen.

Paralımpıadalyq jattyǵý ortalyǵynda múgedek sportshylar sporttyń 14 túri boıynsha jattyǵa alady. Aı saıyn munda shamamen múmkindigi shekteýli 6 myńǵa jýyq sportshy jattyǵady.

Ortalyqta beıimdelgen ámbebap tsıfrlyq trenajerler men toptyq jattyǵýlarǵa yńǵaıly aımaqtan turatyn jattyǵý, oıyn jáne kúreske arnalǵan úsh sporttyq zal jumys istep tur. Bir atap óterligi, ortalyqty jabdyqtaýǵa paralımpıadashylardyń ózderi de atsalysqan. Máselen, arbada otyryp bıleýden QR quramasynyń múshesi Ardaq Otarbaev arbalardy jýý ornyn jasaqtaý ıedıasynyń avtory.

Eraly Toǵjanov Paralımpıadalyq jattyǵý ortalyǵynyń qazirgi zamanǵa saı ınfraqurylymy men materıaldyq-tehnıkalyq jabdyqtalýyna joǵary baǵa berdi.


Búgingi sapary barysynda QR Premer-Mınıstriniń orynbasary otandyq paralımpıada sportynyń tarıhynda kórý qabileti tómen sportshylar arasynda tuńǵysh ret uıymdastyrylǵan golboldan Qazaqstan Respýblıkasy Kýbogynyń ashylý saltanatyna qatysty.

E.Toǵjanov óz sózinde elimizde paralımpıadalyq sportty damytýdyń mańyzdylyǵyn atap ótti.

«Múmkindigi shekteýli jandardy áleýmettik qorǵaý árdaıym el basshylyǵynyń baqylaýynda bolǵan jáne bola bermek. Memleket qazir múmkindigi shekteýli jandardyń ózin damytýǵa jáne tolyqqandy ómir súrýi úshin barlyq qajetti jaǵdaıdy jasap otyr. Paralımpıadalyq jattyǵý ortalyǵynyń ashylýy osyǵan dálel. Sizderdiń árqaısylaryńyzda jeńiske degen ynta-jiger jetkilikti. Biraq jeńis tuǵyrynyń joǵary bıigin baǵyndyrý úshin búginnen bastap ter tógý qajet. Sizderge el úshin jaýapty syndarda joǵary jetistikter tileımin!», - dedi ol.

Eki kúnge sozylatyn baıraqty básekege elimizdiń 5 óńirinen 40-tan asa golbolshy qatysyp jatyr.

Golbol Paralımpıada oıyndarynyń baǵdarlamasyna engizilgen. Sporttyń bul túri Qazaqstanǵa 2017 jyly kelgen. Sodan beri 3 chempıonat uıymdastyryldy.

Bıylǵy báseke komandaǵa halyqaralyq arenaǵa shyǵýǵa jol ashady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT