+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Eraly Toǵjanov mańǵystaýlyq jumysshylarmen kezdesti

2019 jylǵy 12 qarasha 17:13
Bólisińiz:
Eraly Toǵjanov mańǵystaýlyq jumysshylarmen kezdesti

AQTAÝ. QazAqparat – QR Kásiptik odaqtar federatsııasynyń tóraǵasy Eraly Toǵjanov Mańǵystaý oblysyndaǵy iri kásiporyndar jumysshylarymen kezdesti. Bul týraly QazAqparat KF silteme jasap habarlaıdy.

Eraly Toǵjanov Mańǵystaý oblysyndaǵy jumys saparynyń ekinshi kúni óńirdegi eki iri kásiporynnyń eńbek ujymymen kezdesti.

QRKF basshysy Jetibaı munaı-ken ornyndaǵy «Oil Services Company» JShS jáne «CASPI BITUM» BK» jumysshylarymen kezdesti. Eraly Toǵjanov kásiporyndardyń jumysshylarymen kezdesýde áleýmettik-eńbek qatynastaryndaǵy ózekti máselelerdi talqylady. Ár kásiporynda úsh myńdaı jumysshy eńbek etedi, olardyń 90 paıyzy - kásiptik odaqtar músheleri.

Qazir Mańǵystaý oblysynda jumys istep turǵan 10 200 kásiporynnyń 4 paıyzynda ǵana kásipodaq uıymdary bar. Barlyǵy - 397 kásipodaq uıymy.

Kezdesý barysynda Federatsııa tóraǵasy qaýipsiz jumys oryndaryn qamtamasyz etý jáne laıyqty eńbek sharttary máseleleri jóninde sóz qozǵady. Ol óndiristegi ólimge aparyp soqtyratyn jazataıym oqıǵalarǵa alańdaýshylyq bildirdi.


«2019 jyldyń 1 qazanyna deıin Mańǵystaý oblysynda 40 jumysshy óndiristik jaraqat alyp, 2 adam qaza boldy. Al 2 adam jazataıym oqıǵalardan zardap shekti», - dep atap ótti Eraly Toǵjanov. QRKF basshysy adam resýrstaryn saqtaýdyń basty faktory ishki baqylaý mehanızmderin jetildirý jáne jumysshylardyń ǵana emes, jumys berýshilerdiń jaýapkershiligin arttyrý ekendigin jetkizdi. Sondaı-aq, Eraly Toǵjanov eńbekshilerdiń quqyqtary men múddelerin qorǵaýda kásiptik odaqtardyń róli mańyzdy ekendigin atap kórsetti. «Kásiptik odaqtar jumys isteıtin kásiporyndarda qaýipsiz eńbek jaǵdaılary, áleýmettik turaqtylyq saqtalǵan. Jumys berýshi kásiptik odaqtarmen ózara áriptestik ornata otyryp, jumysshylardyń áleýmettik jáne jeke máselelerin, eńbek daýlary sheshilýi men eńbek zańnamalarynyń saqtalýy isinde senimdi qoldaýǵa ıe bolady», - dep aıtyp ótti QRKF tóraǵasy. Kásipodaq uıymdary munaı kompanııalarynda ǵana emes, olardyń merdigerlik uıymdarynda da bolýy tıis ekendigi atap ótildi. Osy kúni QRKF basshysy kásipodaqtar qozǵalysynyń ardageri Imamadı Aınalıevtiń shańyraǵynda bolyp, uzaq jylǵy jemisti eńbegi úshin 2019 jylǵy 10 qazanda resmı deńgeıde tuńǵysh ret atalyp ótken Qazaqstan Kásipodaqtary kúnine oraı Kásiptik odaqtar federatsııasynyń «Kásipodaq ardageri» tósbelgisimen marapattady. Imamadı Aınalıev 40 jyl boıy Memlekettik mekemeler qyzmetkerleriniń kásiptik odaqtar oblystyq komıtetiniń tóraǵasy jáne Mańǵystaý oblystyq Kásiptik odaqtar keńesiniń tóraǵasy bolyp qyzmet atqarǵan. Mańǵystaý oblysy Tártiptik keńes múshesi bolǵan. Eraly Toǵjanov ardagerdiń elimizdegi kásipodaqtar qozǵalysynyń damýyna qosqan zor úlesin aıryqsha atap ótti.


Bizdiń kanalymyzǵa jazylyńyz:

Basty sózder: Mańǵystaý oblysy, Qoǵam,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT