+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Eraly Toǵjanov koronavırýstiń taralýyna jol bermeý jónindegi VAK otyrysyn ótkizdi

2021 jylǵy 21 shilde 19:13
Bólisińiz:
Eraly Toǵjanov koronavırýstiń taralýyna jol bermeý jónindegi VAK otyrysyn ótkizdi

NUR-SULTAN. QazAqparat – Búgin QR Premer-Mınıstriniń orynbasary Eraly Toǵjanovtyń tóraǵalyǵymen QR aýmaǵynda koronavırýstyq ınfektsııanyń taralýyna jol bermeý jónindegi VAK otyrysy ótti, dep habarlaıdy primeminister.kz saıty.

Uqsas jańalyqtar
Qasym-Jomart Toqaevtyń COVID-19 pandemııasyna qarsy kúreske arnalǵan Jahandyq sammıtte sóılegen sózi Pavlodar oblysynda vaktsınalaý deńgeıi qandaı Qyrkúıektiń basynan beri Pavlodar oblysynda KVI-diń taraý kórsetkishi 1,5 ese tómendedi

Otyrysta Prezıdent Qasym-Jomart Toqaevtyń 19 shildedegi eldegi epıdemıologııalyq jaǵdaı jónindegi keńeste bergen tapsyrmalarynyń oryndalýyn uıymdastyrý máseleleri qaraldy.

Vıtse-premer memlekettik organdar ókilderiniń baıandamalaryn tyńdap, qysqa merzimde Memleket basshysynyń tapsyrmalaryn oryndaý boıynsha kelesi sharalardy qabyldaýdy tapsyrdy:

- jańa shtammdardyń paıda bolýyn eskere otyryp, koronavırýstyq ınfektsııanyń taralýyna jol bermeý jónindegi jedel is-qımyldardyń naqty josparyn ázirleý jáne engizý;

- «QazVac» otandyq vaktsınasyn Dúnıejúzilik densaýlyq saqtaý uıymynda tirkeý jáne ony odan ári úshinshi elderdiń naryqtaryna shyǵarý máselesin pysyqtaý, osy baǵytta naqty jol kartasyn ázirleý;

- karantındik shekteýlerdi saqtaýǵa qoıylatyn talaptardy qatańdatý máselesin pysyqtaý;

- vaktsınatsııalaý qarqyny tómen óńirlerge ádistemelik kómek kórsetý úshin kóshpeli brıgadalardy qalyptastyrý;

- koronavırýsty dıagnostıkalaý men emdeý hattamalaryna sáıkes reanımatsııa bólimsheleri men jedel medıtsınalyq kómek qyzmetterin qosymsha jaraqtandyrýdy qamtamasyz etý jóninde naqty usynystar engizý;

- koronavırýspen aýyratyn naýqastardy emdeý úshin «Remdesıvır» preparatyn ortalyqtandyrylǵan satyp alý máselesin sheshý jóninde sharalar qabyldaý;

- Іshki ister mınıstrligi basqa da múddeli memlekettik organdarmen birlesip, jalǵan vaktsınatsııalaý pasporttaryn jasaýdyń jolyn kesý jónindegi vedomstvoaralyq arnaıy top qursyn;

- Tsıfrlyq damý, ınnovatsııalar jáne aeroǵarysh ónerkásibi mınıstrligi «Atameken» Ulttyq palatasymen jáne Densaýlyq saqtaý mınıstrligimen birlesip, bıznes sýbektilerin «Ashyq»baǵdarlamasyna engizý jónindegi talaptardy jeńildetsin.

Eraly Toǵjanov monıtorıngtik toptar qyzmetiniń mańyzdylyǵyn atap ótip, ІІM men ákimdikterge osy baǵyttaǵy jumysty jandandyrýdy tapsyrdy. Budan basqa, VAK «Ashyq» arqyly tirkelgen qoǵamdyq oryndarǵa baratyn «qyzyl» jáne «sary» mártebesi bar adamdarǵa qatysty sharalardy qatańdatý týraly sheshim qabyldady. Endi karantın rejıminiń «qyzyl mártebesi» bar quqyq buzýshylardyń esimderi buqaralyq aqparat quraldarynda jarııalanady.

Sondaı-aq, Vıtse-premer E.Toǵjanov memlekettik organdardyń basshylary men óńirlerdiń ákimdikterine ımmýndaý turǵysynan túsindirý jumystaryn kúsheıtýdi, sondaı-aq halyqty koronavırýstyq ınfektsııadan vaktsınatsııalaýmen qamtýdy arttyrý týraly naqty tapsyrmalar berdi.



Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT