+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Eraly Toǵjanov: Qazaqstandyq jáne sheteldik jumysshylardyń jalaqysy birdeı bolýy kerek

2019 jylǵy 17 qazan 18:38
Bólisińiz:
Eraly Toǵjanov: Qazaqstandyq jáne sheteldik jumysshylardyń jalaqysy birdeı bolýy kerek

NUR-SULTAN. QazAqparat - QR Kásipodaqtar Federatsııasynyń tóraǵasy Eraly Toǵjanov jumys saparymen Qaraǵandy oblysyna bardy, dep habarlaıdy federatsııanyń baspasóz qyzmeti.

Uqsas jańalyqtar
Almaty oblysynda analar AÁK ala almaı jatyr Túrkistanda jańadan kásip bastaǵandarǵa qural-jabdyqtar úlestirildi Saparbaev halyq aldyndaǵy áleýmettik mindettemelerdiń sapaly oryndalýyna nazar aýdardy

Baspasóz málimetterine qaraǵanda, QRKF tóraǵasy «ArselorMıttal Temirtaý» AQ basshylyǵymen kezdesip, eńbek qaýipsizdigin saqtaý men qazaqstandyq jáne sheteldik jumysshylar jalaqysynyń birdeı deńgeıde bolý máselesin kóterdi.

Eraly Toǵjanovtyń Qaraǵandy oblysyna jumys sapary Qaraǵandy memlekettik tehnıkalyq ýnıversıtetindegi Tuńǵysh Prezıdent murajaıyn aralaýdan bastaldy.

QRKF tóraǵasy elimizdegi ken-metallýrgııa salasyndaǵy iri kásiporyn sanalatyn quramynda 29 myń 900 jumysshy eńbek etetin «ArselorMıttal Temirtaý» AQ atqaryp otyrǵan jumysymen tanysyp, «ArselorMıttal Temirtaý» AQ-daǵy áleýmettik áriptestermen jáne domen tsehy ujymymen kezdesti. Kezdesýge qatysýshylar kásiporyndaǵy jumysshylardyń quqyǵyn qorǵaý jónindegi ózekti máselelerdi talqylady.

QRKF tóraǵasy eńbek qaýipsizdigi men ony qorǵaý boıynsha kásiporynda atqarylyp jatqan jumystardyń apat oryn alǵan kezdegi saldaryn joıýǵa ǵana baǵyttalǵandyǵyna toqtalyp,ony boldyrmaýǵa mańyz berý qajettigin atap aıtty.

«2018 jyldyń 10 qarashasynda kombınatta gaz qubyry jarylǵan. Osy jyldyń 4 qyrkúıeginde konventor tsehynda taǵy da apat bolyp, tórt metallýrg jaraqat alǵan»,-dedi óz sózinde Eraly Toǵjanov.

2018 jyldyń qorytyndysy boıynsha kásiporynnyń Qurysh departamentinde 22 jazataıym oqıǵa bolyp,sonyń bireýi adam ólimine soqtyrsa, segiz aı ishinde 14 osyndaı jazataıym oqıǵa tirkelgen.

Mundaı qıyn jaǵdaılardyń týyndaýyna óndiristegi jumystardy uıymdastyrýdaǵy adam ómirine qaýipti faktorlardy eskermeý men eńbek qaýipsizdigin saqtaýdy oqytýdaǵy jiberilgen kemshilikter áser etken deýge bolady.

Eraly Toǵjanov kompanııanyń jumys ornyndaǵy kez kelgen qaýipti jaǵdaılardy boldyrmaý maqsatynda mundaı máselelerdi júıeli túrde esepke alyp, qadaǵalaý, birlese jol tabý qajettigin jetkizdi. Sonymen qatar, kásiporyn jumysyna «Nóldik jaraqattanýshylyq» kontseptsııasy men «Halyqtyq baqylaý» jobasyn engizý týraly oılarymen bólisti.

Kezdesý barysynda 2017 jyldyń jeltoqsan aıynda shahterlardyń ereýili kezinde qoıǵan talaptardyń oryndalýyna qatysty atqarylǵan sharalar talqylandy.

Quramyna kásipodaq komıtetiniń ókilderi men ár shahtadan bastamashy top músheleri, jumys berýshiler men Qaraǵandy oblysy ákimi kirgen kelisim komıssııasy jumysynyń nátıjesinde 28 tarmaqtan turatyn talaptardyń 17-i oryndalǵan.

Osy talaptar negizinde jerastyndaǵy jáne shahta ústindegi jumysshylardyń jalaqysy 100 paıyzǵa kóterilgenmen, ákimshilik tarapynan ınjener-tehnıkalyq qyzmetkerlerdiń jalaqysyn kóterý máselesi nazardan tys qalǵan.

Kásipodaq federatsııasy osy máselege qatysty sotqa júginnen keıin ǵana qoıylǵan barlyq talaptar kompanııa tarapynan tolyq oryndaldy.

Kezdesý barysynda Eraly Toǵjanov Prezıdenttiń bergen tapsyrmasyna sáıkes, jergilikti jáne sheteldik jumysshylardyń eńbek jaǵdaıyn qamtamasyz etý men jalaqysynyń bir deńgeıde bolýyna basa nazar aýdarý qajettigin basa aıtty.

Kompanııadaǵy jumysshylardyń ortasha jalaqysy 215 000 teńge bolsa, salalar boıynsha - 260 myń shamasynda.

Kásipodaqtar Federatsııasy tóraǵasy jumys sapary barysynda Saran qalasynda ornalasqan «ArselorMıttal Temirtaý» AQ kómir departameniniń T.Kúzembaev atyndaǵy shahtasyndaǵy shahterlermen kezdesip, olardyń eńbek jaǵdaıy, óndiris jumystaryn uıymdastyrý, eńbek quqyǵyn saqtaý máselelerimen tanysty.

18 qazanda Eraly Toǵjanov Qaraǵandy qalasyndaǵy professor H.J.Maqajanov atyndaǵy oblystyq travmatologııa jáne ortopedııa ortalyǵynyń kásipodaq aktıvimen kezdesedi.

Bul kúni QRKF tóraǵasynyń Qaraǵandy oblysynyń ákimi J.Qasymbekpen kezdesýi barysynda QR Kásipodaqtar Federatsııasy men Qaraǵandy oblysynyń ákimdigi arasynda ózara yntymaqtastyq týraly Memorandýmǵa qol qoıý rásimi josparlanǵan.

Bizdiń kanalymyzǵa jazylyńyz:

Basty sózder: Qoǵam, Áleýmettik qoldaý,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT