Eraly Toǵjanov «qańtar oqıǵasynda» órtelgen «Qazaqstan» arnasynyń ǵımaratyna bardy
2022 jylǵy 18 naýryz 01:09

Eraly Toǵjanov «qańtar oqıǵasynda» órtelgen «Qazaqstan» arnasynyń ǵımaratyna bardy

ALMATY. QazAqparat – Beısenbi kúni Premer-Mınıstrdiń orynbasary Eraly Toǵjanov Almaty qalasyna jumys saparymen bardy, dep habarlaıdy QazAqparat Qazaqstanda koronavırýstyń taralýyna jol bermeý jónindegi vedomstvoaralyq komıssııa málimetine silteme jasap.

E.Toǵjanov № 7 emhananyń jumys barysymen tanysty. Atalmysh emdeý ortalyǵynda barlyǵy 9 joǵary oqý orny men 10 kásiptik bilim ordasy medıtsınalyq kómekke alynǵan. Qala boıynsha stýdentterge, eresekter men balalarǵa qyzmet kórsetedi.


Sondaı-aq vıtse-premer megapolıstegi Sadu ortalyǵyn aralap kórdi. Sport kesheninde jattyǵyp qana qoımaı, kúres jáne basqa da sport túrlerinen halyqaralyq jarystar ótkizýge bolady. Nysannyń negizgi qyzmeti – jekpe-jek óneriniń túrleri boıynsha oqý-jattyǵýlar ótkizý. Al keshendegi zamanaýı qonaqúı sportshylardyń barlyq qajettiligin eskere otyryp jasalǵan.

Premer orynbasary «qańtar oqıǵasy» kezinde tonalyp, órtelgen «Qazaqstan» Ulttyq telearnasynyń Almaty fılıalynda da boldy. Ǵımarattyń ishin aralap, qalpyna keltirý boıynsha jumys barysyn surady. Sapar barysynda jańa ǵımarattyń syzbalary tanystyryldy.


Uqsas jańalyqtar

Jańalyqtar

Úrdis

MURAǴAT