+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Eraly Toǵjanov halyqtyń dárigerlerge basty shaǵymdaryn atady

2020 jylǵy 28 aqpan 19:28
Bólisińiz:
Eraly Toǵjanov halyqtyń dárigerlerge basty shaǵymdaryn atady

NUR-SULTAN. QazAqparat - Qazaqstanda kórsetiletin medıtsınalyq qyzmettiń sapasyna patsıentterdiń 48 paıyzǵa ǵana qanaǵattanady. Bul týraly búgin QR Densaýlyq saqtaý mınıstrliginiń alqa otyrysynda QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Adamdar medıtsınalyq kómek sapasynyń nasharlyǵyna shaǵymdanady. Búginde patsıentterdiń 48 paıyzy qana kórsetiletin qyzmetterdiń sapasyna qanaǵattaady eken. Halyq negizinen aýrýhanaǵa jatqyzýdan bas tartýǵa, medıtsına qyzmetkerleriniń biliksizdigine, emhanalarǵa mamandarǵa kezekke shaǵym túsiredi. Shaǵymdardyń basym bóligi Batys Qazaqstan, Jambyl oblystaryna jáne Shymkentke tıesili», - dedi vıtse-premer.

Úkimet basshysynyń oryndary medıtsınalyq kómektiń der kózinde kórsetilýine basa nazar aýdartty.

«Ol jerde túrli jaǵdaılar oryn alýy múmkin, bárin jalpylaı salýǵa bolmas. Árbir jaǵdaıdyń túrli jaıttary bolady. Munyń barlyǵyna tyńǵylyqty tekserip, túzetý qajet», - dedi ol.

Sondaı-aq, Premer-Mınıstrdiń orynbasarlary óńirlerdegi medıtsınalyq jabdyqtardyń tozyǵy jetip turǵanyn da basa aıtty.

«Jedel járdem kólikteri buzylyp jatady. Búginde olardyń ortasha tozý deńgeıi 43 paıyzdy quraıdy. Medıtsınalyq jabdyqtarmen jabdyqtalý deńgeıi de laıyqty emes. Búgin jekelegen nysandardyń tozýyna baılanysty máselerdi kóterdik. Alaıda, medıtsınalyq jabdyqtardyń tozýy 80 paıyzǵa jýyqtaıtyn oblystar da bar. Óńirler muny jaqsy biledi. Sondyqtan bul máseleni de qosymsha qarastyrý kerek», - dedi ol.

Osy oraıda Eraly Toǵjanov Densaýlyq saqtaý mınıstrligine ákimdiktermen birlese otyryp, naqty ındıaktorlar belgilengen jol kartasyn ázirleýdi jáne óńirlik shekte onyń oryndalýyn aı saıyn usynyp otyrýdy tapsyrdy.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT