+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Eraly Toǵjanov elordadaǵy áleýmettik nysandardyń jumysymen tanysty

2020 jylǵy 19 aqpan 14:27
Bólisińiz:
Eraly Toǵjanov elordadaǵy áleýmettik nysandardyń jumysymen tanysty

NUR-SULTAN. QazAqparat – Úkimet basshysynyń orynbasary Eraly Toǵjanov Nur-Sultan qalasynyń birqatar áleýmettik nysanyn aralap, jumysymen tanysyp qaıtty, dep habarlaıdy QazAqparat tilshisi.

Vıtse-premer laýazymyna taǵaıyndalǵanyna kóp bola qoımaǵan Eraly Toǵjanov aldymen «Januıa» otbasylyq ınstıtýtyn qoldaý ortalyǵynda boldy. Ortalyq «Halyq únine qulaq asatyn memleket» tujyrymdamasy sheńberinde qurylǵan. Munda «Open space» alańy barlyq qajetti qyzmetterdi biriktiredi. Ortalyqta «bir tereze» qaǵıdaty boıynsha 12 memlekettik organ men mekemeden kórsetiletin 70 qyzmet biriktirilgen.


Eraly Toǵjanovty «Januıa» ortalyǵynyń jumysymen qala ákiminiń orynbasary Baqtııar Máken tanystyrdy. Onyń aıtýynsha, «Januıa» ashylǵaly beri 11 myńnan astam azamat 24 403 másele boıynsha habarlasqan. Onyń ishinde 18 404 júıelik keńes berilip, 5 999 másele boıynsha oń sheshim qabyldanǵan. Ataýly otbasylarǵa zańgerlik, psıhologııalyq jáne áleýmettik kómek kórsetiledi. Ortalyq azamattarǵa jumys tabýǵa, júzege asyrylyp jatqan memlekettik baǵdarlamalar týraly egjeı-tegjeıli aqparat alýǵa, densaýlyq saqtaý, bilim berý, baspana, bıznesti bastaý jáne memlekettik qoldaýǵa kezeń-kezeńimen jáne júıeli keńester berýge múmkindik beredi.

Ortalyqqa kelýshiler densaýlyq saqtaý, bilim berý, turǵyn úı baǵdarlamalaryna qatysý, balalardy kezekke qoıý, óz isin ashý, jumysqa ornalastyrý, ataýly áleýmettik kómek alý, psıhologııalyq kómek berý sııaqty máselelerge qatysty suraqtaryna jaýap ala alady.

Jalpy alǵanda ortalyq qyzmetkerleri orta eseppen kúnine 250 adamǵa qyzmet kórsetedi.

Eraly Toǵjanov ortalyq qyzmetkerlerine turǵyndar arasynda kópbalaly otbasylarǵa 2020 jyldyń 1 qańtarynan bastap engizilgen memlekettik járdemaqyny rásimdeý men tóleýdiń sharttaryn egjeı-tegjeıli túsindirýdi tapsyrdy.

Qazirgi kúni járdemaqy 372 myń otbasyna taǵaıyndalǵan.

Ortalyqta qala analary úshin jeke bıznesti damytýǵa arnalǵan «Kasipker ana» ortalyǵy jumys istep tur.

Osydan keıin Eraly Toǵjanov qalalyq №2 aýrýhana men Ortalyq temirjol aýrýhanasynyń jumysymen tanysty. Mindetti áleýmettik medıtsınalyq saqtandyrý tártibi iske qosylǵaly emhanalar jumys retin tyń júıege beıimdep, tıisti jumysty júrgizip jatyr.

«Búgingi kúni elordalyqtardyń 92 paıyzy saqtandyrylǵan. 35 myń adam qamtylmaǵan. Biraq áli ýaqyt bar. Qala bul baǵyt boıynsha daıyn. Patsıentterdi qabyldap otyrǵan kez kelgen medıtsınalyq mekemede oǵan qatysty aqparat avtomatty túrde kórinedi. Eger adam saqtandyrylmaǵan bolsa, ol birden baqylaýǵa alynyp, qajetti medıtsınalyq qyzmet kórsetiledi. Kórsetilip otyrǵan medıtsınalyq qyzmettiń sapasyna saraptama jasaý mańyzdy. Turǵyndardyń arasynda aýrýdyń aldyn alý, onyń ishinde sozylmaly aýrýlardy boldyrmaýǵa kóńil bólý qajet. Medıtsınalyq kómek ýaqytyly kórsetilýi úshin jedel járdem qyzmetine júginýshiler esepke alynyp otyrýy kerek»,- dedi Eraly Toǵjanov.

Onyń aıtýynsha, 1 sáýirge deıin áli ýaqyt bar. Sondyqtan qalǵan azamattardy qamtý kerek. Eger oǵan ilikpegen azamattar bolsa, tegin medıtsınalyq kómektiń kepildendirilgen kólemi aıasynda olarǵa tıisti kómek-qoldaý kórsetilýi tıis.

Eraly Toǵjanov sonymen qatar Nur-Sultan qalasyndaǵy Ortalyq temirjol aýrýhanasynyń jumysyna da oń baǵasyn berdi.

«Bul nysan Qazaqstan Prezıdentiniń baqylaýynda. Ol jaqynda osynda bolyp, naqty tapsyrmalardy júktegen bolatyn. Prezıdent tapyrmasy oryndaldy. Jóndeý jumystary aıaqtalyp, aýrýhana qazir jumys istep tur. Hırýrgııalyq blok qana jóndelip jatyr. Osy jyldyń aıaǵynda deıin josparǵa sáıkes aıaqtalýy tıis. Buny men de jeke baqylaýyma alamyn», - dedi vıtse-premer.

Sonymen qatar ol MÁMS-ke enbeı qalǵan azamattardy mindetti túrde anyqtaýdy tapsyrdy.

«Olardyń sany belgili. Ol tek medıtsına salasynyń azamattarynyń mindeti ǵana emes. ІІM-men birge bul jumys júrgizilýi tıis. Nur-Sultan qalasyna basqa oblystardan kóship keletin azamattar kóp. Kelgen azamattarǵa kerekti jaǵdaıda kómektiń bári kórsetilip jatyr. Medıtsına salasyndaǵy reformanyń kómegimen dárigerlerdiń jalaqysyn 30 paıyzǵa arttyrýǵa múmkindik bar», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT