+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Eraly Toǵjanov elorda emhanalarynda Prezıdent tapsyrmalarynyń oryndalý barysyn tekserdi

2020 jylǵy 16 shilde 19:50
Bólisińiz:
Eraly Toǵjanov elorda emhanalarynda Prezıdent tapsyrmalarynyń oryndalý barysyn tekserdi

NUR-SULTAN. QazAqparat - Búgin QR Premer-Mınıstriniń orynbasary Eraly Toǵjanov elordadaǵy medıtsınalyq mekemelerge baryp, QR Prezıdentiniń nusqaýlary men koronavırýs ınfektsııasynyń taralýyna jol bermeý jónindegi vedomstvoaralyq komıssııanyń sheshimderiniń oryndalý barysyn tekserdi. Bul jóninde primeminister.kz málimet taratty.

Uqsas jańalyqtar
Asqar Mamın Aqkólde «aqyldy qalalar» jobasyn iske asyrý barysyn tekserdi Qazaqstan men Túrkııa áýe qatynasyn qalpyna keltirý máselesin talqylady Úkimette kásipkerlikti damytý máseleleri qaraldy

Premer-Mınıstrdiń orynbasary barǵan alǵashqy nysan ambýlatorlyq-emhanalyq jáne statsıonardy almastyratyn kómek kórsetetin, sondaı-aq jedel medıtsınalyq járdem shaqyrtýlaryna qyzmet kórsetetin №9 qalalyq emhana boldy. Búgingi tańda emhanada 95 myń turǵynǵa qyzmet kórsetiledi.

Pandemııa kezinde emhanada fıltr-kabınetter men provızorlyq bólim uıymdastyryldy, bul jerlerde PTR-zertteý úshin bıomaterıal alynyp, sondaı-aq qajetti em taǵaıyndalady.

Sonymen qosa, Vedomstvoaralyq komıssııa basshysy Damumed mobıldi qosymshasy arqyly iske qosylǵan patsıentterdi tegin onlaın-qabyldaýdyń jumysymen tanysty. Qazirgi kezde 19 uıym osy qyzmetke qosylǵan. Bolashaqta Nur-Sultan qalasyndaǵy 31 medıtsına uıymy onlaın-konsýltatsııa júrgizetin bolady.

Budan ózge, emhanada jedel járdemge túsetin júktemeni joıý maqsatynda bes mobıldi brıgada uıymdastyrylǵan. Bul mobıldi toptar COVID-19 jáne pnevmonııamen syrqattanýǵa kúmándi naýqastarǵa úıde qyzmet kórsetedi, dárigerler tekserip, PTR-zertteýden ótkizý úshin bıomaterıal alynady jáne qajetti em taǵaıyndalady.

Sonymen qatar, E. Toǵjanov jedel medıtsınalyq járdem qalalyq stantsııasyna bardy. 2016 jyldan beri stantsııada kepildendirilgen tegin medıtsınalyq qyzmet kólemi aıasynda aýrýhanaǵa deıingi shuǵyl medıtsınalyq kómek kórsetiledi. Qazirgi kezde munda 1 414 medıtsına qyzmetkeri jumys isteıdi, 80 brıgada men 124 avtokólik quraly bar.

Aıta keteıik, búgingi tańda jedel járdem kómegine júginetinderdiń sanynyń azaıǵany baıqalyp otyr. Eger 22 maýsymda oǵan táýligine 4,3 myń adam júginse, 16 shildede 1,9 myń adam júgingen. Onyń ishinde KVI boıynsha júginý sany táýligine 500-den 254-ke deıin tómendegen. Jedel járdemdi shaqyrtýlar sany táýligine 3 myńnan 1,3 myńǵa deıin qysqarǵan.

Premer-Mınıstrdiń orynbasary E. Toǵjanov budan basqa №2 qalalyq kópsalaly aýrýhananyń jumysymen tanysty, bul aýrýhana patsıentterdi barlyq beıin boıynsha qabyldaıtyn birden-bir emhana bolyp otyr. Aýrýhana jedel medıtsınalyq kómek boıynsha da, adamdardyń ózdiginen júginýi boıynsha da táýlik boıǵy rejımde patsıentterdi qabyldaýdy qamtamasyz etedi. Táýlik ishinde orta eseppen 300-ge jýyq patsıent munda júginedi — 200 adam jedel medıtsınalyq járdem boıynsha, 100 adam ózdiginen júginý jáne emhanalardan baǵyttalýy boıynsha.

Sonymen qatar aýrýhanada koronavırýs ınfektsııasymen aýyrǵandarǵa arnalǵan 30 ınfektsııalyq tósek-oryn, sondaı-aq jansaqtaý bóliminde qajetti medıtsınalyq jabdyqtarmen, onyń ishinde ÓJJ apparattarymen jaraqtalǵan 9 tósek-oryn bar.

Nur-Sultan qalasyndaǵy №2 kópsalaly aýrýhana mamandarynyń shtaty 1700-den asa joǵary bilikti qyzmetkerdi qamtıdy, onyń ishinde 500 dáriger bar. Aýrýhananyń 200-den asa qyzmetkeri aýyrǵan, onyń ishinde 150 adam saýyǵyp, jumysyna oralǵan.

Medıtsına qyzmetkerlerimen kezdesý kezinde E. Toǵjanov medıtsına qyzmetteriniń barlyq qyzmetkerlerine alǵys aıtyp, olardyń kúndelikti eren eńbegin atap ótti jáne olardy búgingi kúnniń qaharmandary dep atady.

Sonymen qosa, Premer-Mınıstrdiń orynbasarymen áńgimelesý kezinde dárigerler áriptesteriniń atynan medıtsına qyzmetkerlerine ústeme aqy tóleýge qatysty alańdaýshylyqtaryn bildirdi, bul máseleg boıynsha E. Toǵjanov medıtsına qyzmetkerlerine barlyq qajetti tólemder tolyq kólemde aýdarylatynyna sendirdi.

Sonymen qatar, medıtsına mekemelerin dárilik preparattarmen odan ári qamtamasyz etý máselesi talqylandy. Búgingi tańda medıtsına mekemeleri dárilik zattarmen 100% qamtamasyz etilgen. Vedomstvoaralyq komıssııanyń basshysy Densaýlyq saqtaý mınıstrligi men «SK-Farmatsııa» JShS-ǵa elimizdiń barlyq medıtsına mekemelerinde dárilik preparattardyń aılyq qoryn qamtamasyz etýdi tapsyrdy.

Elordadaǵy statsıonarlardyń júktemelenýi ótken aımen salystyrǵanda salystyrǵanda 34%-ǵa tómendegenin atap ótken jón, sondaı-aq tósek-oryn sany 2 705-ke artqan.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT