+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Eraly Toǵjanov COVID-19-ǵa qarsy otandyq vaktsına shyǵaratyn zaýytty salý barysymen tanysty

2020 jylǵy 24 qarasha 11:57
Bólisińiz:
Eraly Toǵjanov COVID-19-ǵa qarsy otandyq vaktsına shyǵaratyn zaýytty salý barysymen tanysty

QORDAI AÝDANY. QazAqparat - QR Premer-Mınıstriniń orynbasary Eraly Toǵjanov bastaǵan úkimettik delegatsııa Qordaı aýdanyna bardy, dep habarlaıdy QazAqparat primeminister.kz-ke silteme jasap.

Uqsas jańalyqtar
Venesýela «Spýtnık V» vaktsınasyn synaý nátıjelerin jarııalady Vaktsınatsııa koronavırýsty jeńýdiń jalǵyz tıimdi sheshimi – Sáken Ámireev Túrkistan oblysynda kornavırýs vaktsınasy aldymen medıtsına qyzmetkerlerine salynady

Jumys sapary barysynda vıtse-premer Gvardeıskıı aýylyndaǵy Bıologııalyq qaýipsizdik problemalary ǵylymı-zertteý ınstıtýty janyndaǵy otandyq ımmýndyq preparattar shyǵaratyn zaýyttyń qurylysy barysymen tanysty. Zaýyt Memleket basshysy Qasym-Jomart Toqaevtyń tapsyrmasyna sáıkes salynýda. Qurylys-montajdaý jumysy bıyl aıaqtalady, qazirgi ýaqytta barlyq ınjenerlik kommýnıkatsııa júrgizilgen. Jumysqa 145 adam jáne 30 tehnıka jumyldyrylǵan. Zaýyt kelesi jyldyń birinshi toqsanynda jumys isteı bastaıdy.

Munda álemdik standarttarǵa sáıkes ımmýnobıologııalyq preparattar, onyń ishinde koronavırýs ınfektsııasyna, tumaýǵa, týberkýlezge, brýtsellezge, nodýlıarlyq dermatıtke basqa da ınfektsııalyq aýrýlarǵa qarsy vaktsına shyǵarylady. Jyl saıyn bıopreparattardyń 30-60 mln dozasyn óndirý josparlanyp otyr.

Premer-Mınıstrdiń orynbasary ınstıtýt qyzmetkerlerimen kezdesip, olardy áńgimege tartty.

«Bıofarmatsevtıkalyq zaýyttyń qurylysy jáne koronavırýsqa qarsy otandyq vaktsına jasaý el Prezıdentiniń erekshe baqylaýynda. Biz búgin barlyq kókeıkesti máselelerdi osy jerde talqylap, sheshý úshin arnaıy kelip otyrmyz. Turǵyn úımen jáne materıaldyq-tehnıkalyq qamtamasyz etý, jalaqyny kóterý máseleleri qazirdiń ózinde sheshimin tabýda. Sonymen birge sizderge úlken jaýapkershilik júktelip otyr. Búkil el sizderge úmit artady», - dedi E. Toǵjanov.

Jambyl oblysynyń ákimi Berdibek Saparbaev iri zaýyttyń salynýy aımaq ekonomıkasynyń damýyna jańa serpin beretinin atap ótti.

Budan soń Eraly Toǵjanov ınstıtýt qyzmetkerlerine arnalǵan 60 páterlik úıdiń qurylysymen tanysty. Nysannyń qurylysy tamyz aıynda bastalǵan, ol kelesi jyldyń basynda paıdalanýǵa beriledi. Taǵy eki turǵyn úıdiń qurylysy josparlanyp otyr.

Instıtýt jumysymen tanysqan soń Eraly Toǵjanov Qordaı aýdanynyń damýy, sondaı-aq ǵylymı-zertteý ınstıtýtynyń ózekti máselelerin sheshý jóninde keńes ótkizdi.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT