+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Eraly Toǵjanov bastaǵan úkimettik delegatsııa jumys saparymen Qordaı aýdanyna bardy

2021 jylǵy 10 qyrkúıek 17:01
Bólisińiz:
Eraly Toǵjanov bastaǵan úkimettik delegatsııa jumys saparymen Qordaı aýdanyna bardy

QORDAI. QazAqparat - Vıtse-premer Eraly Toǵjanov bastaǵan úkimettik delegatsııa jumys saparymen Jambyl oblysynyń Qordaı aýdanyna bardy, dep habarlaıdy QazAqparat.

Premer-Mınıstrdiń orynbasary Memleket basshysynyń tapsyrmasy aıasynda vaktsınalar óndiretin bıofarmatsevtıkalyq zaýyttyń jumysymen tanysty.

Eraly Toǵjanov zaýytta oblys ákimi, ınstıtýt basshylyǵy, sarapshylardyń qatysýymen arnaıy keńes ótkizdi, onda zaýyttyń ózekti máseleleri qaralyp, sheshý joldary aıqyndaldy.

Sondaı-aq, vıtse-premer ınstıtýt qyzmetkerleri úshin turǵyn úı qurylysynyń barysyn tekserdi.

Turǵyn úımen qamtamasyz etý bıologııalyq qaýipsizdik salasynda bilikti qyzmetkerlerdi tartý úshin jaǵdaı jasaýǵa múmkindik beredi.

Budan bólek, delegatsııa Gvardeısk kentiniń turǵyndary úshin jańa dene shynyqtyrý-saýyqtyrý kesheniniń qurylysymen tanysty.

Sonymen qatar E.Toǵjanov buqaralyq sportty damytý úshin «Aýyl - el besigi» baǵdarlamasy aıasynda salynǵan Otar aýylyndaǵy mádenıet úıi men dene shynyqtyrý-saýyqtyrý kesheniniń qurylys alańynda boldy. Keshen oıyn alańymen, kúres jáne jattyǵý zaldarymen jabdyqtalǵan, ústel tennısine arnalǵan bólmeler bar.

Jalpy, Premer-Mınıstrdiń orynbasary Qordaı aýdanynyń áleýmettik ınfraqurylymyn jaqsartý boıynsha júrgizilip jatqan jumystarǵa oń baǵa berdi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT