Er-Rııadta Tuńǵysh Prezıdenti kúnine arnalǵan dóńgelek ústel ótti
2021 jylǵy 1 jeltoqsan 21:50

Er-Rııadta Tuńǵysh Prezıdenti kúnine arnalǵan dóńgelek ústel ótti

NUR-SULTAN. QazAqparat – Saýd Arabııasynyń astanasy Er-Rııadta «Qazaqstan Táýelsizdiginiń 30 jyldyǵy jáne qazirgi zamanǵy memleket qurýdaǵy N.Nazarbaevtyń tarıhı róli» taqyrybynda dóńgelek ústel ótti. Іs-shara QR Tuńǵysh Prezıdenti kúni men Qazaqstan Táýelsizdiginiń mereıtoıyna arnaldy, dep habarlaıdy QazAqparat tilshisi.

Іs-shara barysynda Saýd Arabııasy Koroldigidegi Qazaqstan Elshisi Berik Aryn Táýelsizdik jyldary ishindegi Qazaqstannyń negizgi jetistikteri, halyqaralyq arenadaǵy tańqalarlyq jeńisteri jaıynda jan-jaqty baıandady.

«Qazaqstannyń jańa tarıhy jáne onyń búgingi jetistikteri QR Tuńǵysh Prezıdenti – Elbasy Nursultan Ábishuly Nazarbaevtyń esimimen tikeleı baılanysty», - dep atap ótti Qazaqstan dıplomaty.

Sonymen qatar ol búginde Qazaqstan Prezıdenti Qasym-Jomart Toqaevtyń basshylyǵymen júzege asyrylyp jatqan azamattardyń ál-aýqatyn arttyrýǵa jáne turaqty ekonomıkalyq ósimdi qamtamasyz etýge baǵyttalǵan ekonomıkalyq jáne saıası reformalarǵa keńinen toqtaldy.

Dóńgelek ústel qatysýshylaryna qysqa metrajdy derekti fılm kórsetilip, Qazaqstannyń Táýelsizdik jyldaryndaǵy jetistikteri jaıynan syr shertetin foto kórme uıymdastyryldy. Іs-sharaǵa qatysýshylaryna Elbasy Nursultan Nazarbaev pen QR Prezıdenti Qasym-Jomart Toqaevtyń «Qazaqstan – damýdyń 30 jyly» atty jańadan shyqqan kitaby taratyldy.


Seriktester jańalyqtary

Jańalyqtar

Úrdis

MURAǴAT