+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Er Edige eposy túrik tilinde jaryqqa shyqty

2021 jylǵy 12 aqpan 00:58
Bólisińiz:
Er Edige eposy túrik tilinde jaryqqa shyqty

AQTÓBE. QazAqparat - Qoǵamdyq sanany jańǵyrtý baǵdarlamasyn iske asyrý jónindegi Ulttyq komıssııanyń otyrysy máni zor jobalardy usyndy. Aqtóbe jerinde de túrki áleminiń festıvalin ótkizý josparlaǵan. Bul týraly S.Báıishev atyndaǵy Aqtóbe ýnıversıtetiniń prorektory, «Rýhanı jańǵyrý» ortalyǵynyń dırektory Muhtar Mırov aıtty, dep habarlaıdy QazAqparat tilshisi.

Uqsas jańalyqtar

Qoǵamdyq sanany jańǵyrtý baǵdarlamasyn iske asyrýdyń arnaıy Jol kartasy usynyldy. Bul usynystyń mán-maǵynasyna zer salǵan aqtóbelik ǵalymdar da óz oıyn aıtyp, óńirde atqarylyp jatqan aýqymdy istiń negizgi bóligine toqtaldy.

«Kıeli Qazaqstan» arnaıy jobasy negizinde ulttyq týrızmdi damytý durys is. Shyn máninde Qazaqstannyń ár túkpiri kıeli. 360 áýlıe meken etken Mańǵystaý jerin mysalǵa alýǵa bolady. Ár tóbe, ár qyraty, ár saıynda tarıh bar. Aqtóbe óńirinde de kıeli meken kóp. Kıeli jerlerdi zertteý kezinde Saqtaǵan Báıishev atyndaǵy Aqtóbe ýnıversıteti, «Rýhanı jańǵyrý» ınstıtýty arnaıy jobany bastady. «Aqtóbe oblysynyń tarıhı tulǵalaryna taǵzym» taqyrybynda ǵylymı ekspedıtsııa uıymdastyryldy. Maqsat – kıeli jerlerge táý etip, ulttyq rýhanı sanany jańǵyrtý. Barlyǵy 24 tarıhı tulǵaǵa jol kartasy usynyldy. Oblys ákimi, telearna jáne S.Báıishev atyndaǵy Aqtóbe ýnıversıteti qoldady. Іndet kezinde jumys toqtaǵanymen, munyń mańyzy zor ekenin túsindik. Ekspedıtsııa kezinde zertteý júrgizilip, tyń málimetter jınalady. Endi ony jastarǵa usyný, tanytý mańyzdy. Osy arqyly ishki týrızm óz betimen damıdy dep esepteımiz»,- dedi Muhtar Mırov.

S.Báıishev atyndaǵy Aqtóbe ýnıversıtetiniń prorektory, «Rýhanı jańǵyrý» ortalyǵynyń dırektory Er Edige batyrdy zertteý, tyń derekterdi jınaý, álem ǵalymdarynyń oı-pikirin bir arnaǵa toǵystyrý jumysy óz nátıjesin bergenin aıtty.

«Altyn Ordany 17 jyl bılegen, eldiń jadynda «El qamyn jegen er edi» degen ataýmen tarıhta qalǵan Er Edige batyrdyń máńgilik qonys tapqan mekeni Aqtóbe oblysy, Baıǵanın aýdanyndaǵy Saǵyz ózeni boıyndaǵy Edige jaly tóbesi. Osy baǵytta biz arnaıy zertteý jumysyn júrgizip jatyrmyz. Edigetanýshy ǵalym, fılologııa ǵylymdarynyń doktory Jumanazar Asan kóp zerttedi. Sol jer qorshalyp, zańdy túrde zertteý úshin jalǵa alyndy. Derekti fılm daıyndaldy. Tek Qazaqstan emes, Túrkııa, Ázerbaıjan, Daǵystan, Iran, Pákistan sekildi birneshe el ǵalymdary qatysqan halyqaralyq sımpozıýmda fılm kórsetilip, fılosofııa ǵylymdarynyń doktory, professor Bekejan Aqanuly Er Edigeniń ómiri men erligi týraly aǵylshyn tilinde baıandama jasady. Ótken jyly Shoqan Ýálıhanov zertteýindegi nusqasy, Er Edige eposy túrik tilinde jaryqqa shyqty», - dedi ol. Muhtar Mırovtyń aıtýynsha, bıyl qyrkúıek aıynda túrki áleminiń festıvalin Aqtóbe jerinde ótkizý josparlanǵan.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT