+7 (701) 759 90 19
USD 425.77 EUR 494.28
RUB 5.95 CNY 66.14
Jańalyqtar

Epık jyrshy Marabaı Quljabaıulynyń 180 jyldyǵyna oraı birqatar shara ótedi - BQO

2021 jylǵy 13 qyrkúıek 14:38
Bólisińiz:
Epık jyrshy Marabaı Quljabaıulynyń 180 jyldyǵyna oraı birqatar shara ótedi - BQO

ORAL. QazAqparat – Batys Qazaqstan oblysynda 14-15 qyrkúıekte epık jyrshy Marabaı Quljabaıulynyń 180 jyldyǵyna arnalǵan mádenı is-sharalar ótedi, dep habarlaıdy QazAqparat tilshisi.

BQO mádenıet basqarmasy basshysynyń orynbasary Gúlmıra Qaýlanova óńirlik kommýnıkatsııalar qyzmeti alańynda ótken brıfıngide málim etkendeı, bıyl oblysta Marabaı jyraýdyń ómiri men shyǵarmashylyǵyn zertteý, murasyn keńinen nasıhattaý maqsatynda sharalar qolǵa alyndy.

Aıtalyq, oblystyq halyq shyǵarmashylyǵy ortalyǵynyń dırektory Máýlet Jubatov, QR Jýrnalıster odaǵynyń múshesi, «DANAgaz» jýrnalynyń redaktory Nurlan Sádir bastaǵan mamandar jyraýdyń týǵan jerin, ósken ortasy men shejiresin naqtylaý, urpaqtaryn anyqtaý úshin Bórli aýdanynyń Aqsý aýyldyq okrýgy, Shyńǵyrlaý aýdanynyń Tiksaı aýyldaryn aralady.

Sonymen qatar shyǵarmashylyq baılanys jáne jyraý murasyn zertteý issaparymen Qostanaı oblysynyń Y.Altynsarın atyndaǵy memorıaldyq mýzeıi, Kókshetaý qalalyq Málik Ǵabdýllın atyndaǵy tarıhı-memorıaldyq mýzeıi jáne Aqtóbe oblystyq Qobylandy batyr memorıaldyq kesheni basshylarymen, ǵylymı qyzmetkerlerimen kezdesip, maǵlumattarǵa qol jetkizdi.

G.Qaýlanovanyń sózine qaraǵanda, Marabaı Quljabaıulynyń 180 jyldyǵyna oraı 14 qyrkúıek kúni Oraldaǵy Dostyq úıinde «Marabaı taǵylymy» respýblıkalyq ǵylymı-tanymdyq konferentsııasy uıymdastyrylyp otyr.

Sondaı-aq H.Bókeeva atyndaǵy BQO qazaq drama teatrynda «Marabaı» mýzykalyq dramalyq kompozıtsııa (avtory Nurlan Sádir, qoıǵan Bórli aýdandyq halyqtyq «Murager» teatrynyń rejısseri Ásel Moldaǵalıev) alǵash ret qoıylady.

Kelesi kúni mereıtoı Terekti aýdanynda «Jyr dúldúli – Marabaı» aımaqtyq-respýblıkalyq jyrshylar baıqaýymen jalǵasyn tabady.

Brıfıngke qatysqan belgili aqyn Svetqalı Nurjan ǵasyrlar boıy jalǵasyp kele jatqan jyraýlar mektebin joǵaltpaı, qaıta tiriltý kerektigin, oraldyq Farhat Orazovtaı jyrshylarǵa óńir basshylary tarapynan qoldaý qajettigin atap ótti.

Oblystyq halyq shyǵarmashylyǵy ortalyǵynyń dırektory Máýlet Jubatov aımaqtyq jyrshylar baıqaýyna Qazaqstannyń batys óńirlerinen toǵyz úmitker qatysatynyn, Almas Almatov, Berik Júsipov syndy belgili jyrshylardyń qazylyq etetinin jetkizdi.

Eske sala keteıik, budan buryn Oralda kúıshi-kompozıtor Tuıaqberdi Shámelov atyndaǵy tuńǵysh respýblıkalyq baıqaýdyń márege jetkenin jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT