+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Epıdemıologııalyq jaǵdaıǵa baılanysty Qytaıǵa júk jóneltý keshigip jatyr - QTJ

2021 jylǵy 26 shilde 17:18
Bólisińiz:
Epıdemıologııalyq jaǵdaıǵa baılanysty Qytaıǵa júk jóneltý keshigip jatyr - QTJ

NUR-SULTAN. QazAqparat – Epıdemıologııalyq ahýaldyń qubylýyna baılanysty Qytaıǵa temirjol arqyly júk jóneltý keshigedi. Bul týraly ortalyq kommýnıkatsııalar qyzmetiniń brıfınginde «Qazaqstan temir joly» ulttyq kompanııasynyń basqarma tóraǵasynyń birinshi orynbasary Qanat Álmaǵambetov málim etti, dep habarlaıdy QazAqparat tilshisi.

«Jalpy, pandemııa bastalǵannan beri Qytaımen aradaǵy júk tasymaly óte kúrdeli jaǵdaıda tur. Byltyrǵy 15 qarashadan bastap olar jabyq vagondarda azyq-túlik júgin qabyldaýdy toqtatty. Muny jabyq vagondardyń ishinde vırýs qaldyqtary bolý yqtımaldyǵymen baılanystyryp otyr. Aqpan aıynyń ortasynan bastap baıaý bolsa da, qabyldaı bastaǵan. Búginde qazan men qarasha aıyna deıin tıelgen júkterdi Qytaı tarapyna berdik. Shekarada azyq-túlik tıelgen jabyq vagondar qańtarylyp turǵan joq. Biraq Qytaı temirjolshylary, Shyńjań uıǵyr avtonomııalyq aýdanynyń úkimeti azyq-túlik qaptalǵan jabyq vagonda jóneltýge tyıym saldy», - deıdi Q.Álmaǵambetov.

Ulttyq kompanııa ókili osy shekteýge baılanysty qazaqstandyq júk jóneltýshiler azyq-túlik taýarlaryn Qytaı tarapyna kerilmeli vagondar (bınbeg-vagondar) arqyly jóneltýge qam jasap jatyr.

Al azyq-túlik túrine jatpaıtyn júkterge eshqandaı tyıym joq kórinedi.

Degenmen, Qanat Álmaǵambetovtiń aıtýynsha, Qytaı boıynsha jalpy eksport pen tranzıt boıynsha problemalar bar.

«Bul Qytaı tarapynyń epıdemıologııalyq jaǵdaıdy qatań baqylaýǵa alýynan týyndap otyr. Memleketaralyq stansalardaǵy jumysshylardyń bári ár úsh kún saıyn PTR testileýden ótedi. Sanıtarlyq-epıdemıologııalyq baqylaý qyzmetkerlerinsiz vagondar ashylmaıdy, konteınerler qaıta tıelmeıdi. Munyń bári vagondar men poıyzdardyń Qytaı jaǵýyna ótý qarqynyna áser etip otyr. «Dostyq» stantsııasyna baǵyt alǵan 72 poıyz, Alakól stantsııasyna baǵyt alǵan 25 poıyz qańtarylyp tur. Bul vagondarda negizinen mamyr-maýsym aılarynda tıelgen astyq, koks pen ken bar», - dedi QTJ ókili.


Bizdiń kanalymyzǵa jazylyńyz:

#Qytaı   #QTJ   #Kólik   #Logıstıka  
Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT