+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Epıdemıologııalyq jaǵdaıǵa baılanysty áskerlerdiń jaýyngerlik daıyndyq formaty ózgerdi

2020 jylǵy 15 shilde 10:03
Bólisińiz:
Epıdemıologııalyq jaǵdaıǵa baılanysty áskerlerdiń jaýyngerlik daıyndyq formaty ózgerdi

NUR-SULTAN. QazAqparat - Qorǵanys mınıstrliginde ótken apparattyq keńeste áskerlerdiń jaýyngerlik daıyndyǵy men áskerı qyzmetshilerdiń koronavırýspen kúreske qatysýy, merzimdi qyzmetke shaqyrý máseleleri aıtyldy, dep habarlaıdy QazAqparat atalmysh vedomostvonyń baspasóz qyzmetine silteme jasap.

Uqsas jańalyqtar
Lıvandaǵy qazaqstandyq bitimgerler Beırýttaǵy jarylystan zardap shekken joq

Qorǵanys mınıstrliginiń basshylyǵy bekitilgen josparlarǵa sáıkes jaýyngerlik oqýdy tolyq kólemde jalǵastyrýǵa jáne karantındik sharalardy qatań saqtaýǵa basa nazar aýdardy.

Vedomostvo basshysyna áskerlerdiń jaı-kúıi men jeke quramdy daıarlaý, sonymen qatar oqytý josparlarynyń oryndalýy týraly óńirlik qolbasshylyqtar men ásker tekteriniń bas qolbasshylary men qolbasshylary baıandady.

Aıta ketý kerek, Desanttyq-shabýyldaý áskerleriniń áskerı qyzmetshileri parashıýtpen 800–den astam sekirýdi júzege asyrdy, onyń 64-i túnde boldy. Áskerlerde arnaıy-taktıkalyq oqý-jattyǵýlar ótkizilip, mamandyqtar boıynsha daıyndyq jalǵasýda.

Áýe qorǵanysy kúshterinde avıatsııalyq tehnıkany jóndeý men jańǵyrtýdan keıin qabyldaý jónindegi is-sharalar júzege asyrylady, jas ushqyshtar quramymen ushý daǵdylaryn oqytý jáne jetildirý úshin josparly oqý-jattyǵý ushýlary ótkiziledi.

Barlaý bólimshelerimen, áýe shabýylyna qarsy qorǵanys bólimshelerimen jáne artıllerııalyq bólimshelermen lagerlik jıyn ótkiziledi. Kúrdeli epıdemıologııalyq jaǵdaıda áskerlerdi daıarlaý formatynyń ózgerýi májbúrli shara boldy. Mınıstr lagerlik jıyndardy polıgondarǵa barmaı, turaqty ornalasqan pýnktterge jaqyn jerde dalalyq sabaqtar túrinde ótkizýdi tapsyrdy. Bas qolbasshylar men áskerler qolbasshylaryna ótkiziletin sabaqtardy jan-jaqty baqylaýdy qamtamasyz etý, maqsattary men naqty túpkilikti nátıjelerin kórsete otyryp, sabaqtar baǵdarlamalaryn ázirleý jóninde nusqaý berildi.

Áskerlerdiń jaýyngerlik oqý nysandarynyń biri – halyqaralyq armııalyq oıyndar. Bul jaı ǵana jarys emes, armııany daıyndaý men onyń jaýyngerlik qabiletin kúsheıtýdiń elementi sanalady. Jattyǵýlar men jarystar barysynda áskerı qyzmetshiler óz sheberlikterin arttyryp, túrli qarý-jaraq pen áskerı tehnıkany ıgeredi. Sondaı-aq, áskerdiń daıyndyq deńgeıin kórsetip, ózara tájirıbe almasady. Aýqymdy halyqaralyq áskerı jarystar áskerı-saıası baılanystardy nyǵaıtýǵa óz yqpalyn tıgizedi.

Qarýly Kúshterde komandalardy josparly daıyndaý úderisi jalǵasýda. Mınıstr atap ótkendeı, sanıtarlyq-epıdemııaǵa qarsy sharalar men oıyndardy uıymdastyrýshy elderdiń talaptaryn eskerý jáne saqtaý mańyzdy. Qatysýshylarǵa karantın jáne testileý boıynsha qatań medıtsınalyq talaptar qoldanylady. Barlyq saıystar eldi mekenderden alshaq, sondaı-aq ashyq aýada uıymdastyrylady.

Jyl saıyn qatysýshylar quramy jańartylady. Komandalar konkýrs erejeleriniń talaptaryna sáıkes qurylady. Qorǵanys vedomstvosynyń basshysy komandalardy daıyndaý nátıjeliligin arttyrý, qatysýshylardy jeke jáne komandalyq synaqtarda joǵary kórsetkishterge qol jetkizýge yntalandyrý jóninde tapsyrma berdi.

Jyldaǵy dástúrge sáıkes, ArMI-2020 armııalyq oıyndarynyń birneshe saıysy elimiz aýmaǵyndaǵy Gvardeısk garnızonynyń polıgondarynda ótedi. Sonymen qatar, armııalyq oıyndarǵa qatysý týraly túpkilikti sheshim epıdemıologııalyq jaǵdaıdy negizge ala otyryp qabyldanady.

Qarýly kúshter jergilikti atqarýshy organdar men tótenshe jaǵdaı organdaryna dezınfektsııalaý boıynsha kómek kórsetýdi qaıta bastady.

Atap aıtqanda, Atyraýda qalalyq qyzmetke kómek retinde áskerı qyzmetshilerdiń jeke quramy men qajetti jabdyqtar bólindi. Dezınfektsııalaý jumystary Aqmola, Taraz, Shymkent jáne Qyzylorda garnızondarynda josparlanǵan.

Qaraǵandy áskerı lazaret dárigerleriniń bir toby azamattyq medıtsına mamandarymen birge koronavırýspen kúresýge qatysady. Óńir basshysy áskerı medıtsına qyzmetkerlerine qıyn ýaqytta qajetti kómek kórsetkeni úshin alǵysyn bildirdi.

Belgilengen merzimderge sáıkes azamattardy merzimdi áskerı qyzmetke shaqyrý ótedi. Oǵan qosa Qarýly Kúshterdiń áskerı bólimderi jasaqtalady. Jas býyn densaýlyǵynyń qaýipsizdigin qamtamasyz etý boıynsha qosymsha shara retinde «Qazaqstan temir joly» UK AQ-men áskerge shaqyrylýshylardy qyzmet oryndaryna jiberý úshin jeke temir jol vagonyn bólý múmkindigin pysyqtaý týraly nusqaý berildi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT