+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

EO Irannyń ıadrolyq kelisimnen bas tartqanyna ókinish bildirdi

2020 jylǵy 6 qańtar 21:55
Bólisińiz:
EO Irannyń ıadrolyq kelisimnen bas tartqanyna ókinish bildirdi

BRıÝSSELЬ. QazAqparat - Eýropalyq odaq Irannyń ýrandy baıytý kólemi men deńgeıin shekteýge baǵyttalǵan ıadrolyq kelisimnen bas tartqanyna ókinish bildirdi.

Bul týraly óziniń Twitter-degi mıkroblogynda Eýropalyq Odaqtyń Shetel isteri jáne qaýipsizdik saıasaty jónindegi joǵary ókili Jozep Borrel jazdy, dep habarlaıdy QazAqparat.

«Irannyń Jan-jaqty qamtylǵan birlesken is-qımyldar jospary boıynsha jasaǵan sońǵy sheshimine ókinish bildiremiz. Biz ádettegideı MAGATE tarapynan jasalatyn monıtorıngtiń nátıjelerine úmit artamyz»,-dep jazdy ol dúısenbi kúni.

«Óńirlik jáne jahandyq qaýipsizdik úshin ıadrolyq kelisimdi tolyq iske qosý ásirese búgingi tańda eń mańyzdy máselelerdiń biri»,-degen pikirin bildirdi EO dıplomatııasynyń basshysy.

J.Borrel máseleniń sheshimin tabý úshin qyzyǵýshylyq tanytqan barlyq taraptarmen jumysty jalǵastyra beretinin aıtty.

Aıta keteıik, 2015 jyldyń shilde aıynda BUU Qaýipsizdik Keńesi Irannyń ıadrolyq baǵdarlamasy boıynsha jahandyq qyryp-joıý qarýlaryn taratpaýdyń sheshýshi quraly bolyp tabylatyn Jan-jaqty qamtylǵan birlesken is-qımyldar josparyn (JQBІJ) biraýyzdan maquldaǵan bolatyn.

JQBІJ Iran jáne halyqaralyq qoldaýshy «altylyq» (AQSh, Frantsııa, Ulybrıtanııa, Germanııa, Qytaı, jáne Reseı) arasynda jasalǵan bolatyn.

Tegeran sanktsııalar alynyp tastalǵan jaǵdaıda, atom salasynda óziniń óndirisin shekteýge kelisti.

2018 jyly sanktsııalardy qaıta iske qosqan AQSh JQBІJ-den shyǵyp ketti. Buǵan jaýap retinde Tegeran ıadrolyq kelisim aıasyndaǵy óziniń mindettemelerin shekteı bastady.

Irannyń Syrtqy ister mınıstrligi jeksenbi kúni keshkisin JQBІJ-dan bas tartý boıynsha óziniń kezekti qadamyn jasady. Endi Irannyń ıadrolyq baǵdarlamasynda kólem men deńgeıge qatysty eshqandaı shekteýler bolmaıdy.

Tımýr Dúısekeev


Bizdiń kanalymyzǵa jazylyńyz:

Bólisińiz:

Avtor:

Aıdar Ospanalıev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT