Energojúıedegi apat: Almaty aýrýhanalarynda jaryq sóngen joq
2022 jylǵy 25 qańtar 14:09

Energojúıedegi apat: Almaty aýrýhanalarynda jaryq sóngen joq

ALMATY. QazAqparat – Búgin Almaty qalasynda jappaı elektr energııasy óshken kezde shahar aýrýhanalarynda jaryq sóngen joq. Bul týraly «Alataý jaryq kompanııasy» AQ-dan málim etti, dep habarlaıdy QazAqparat tilshisi.

«Almatyda aýrýhanalardyń eshqaısysy jaryqtan ajyratylǵan joq. Olar elektrmen qamtamasyz etýdiń basqa shemalary arqyly «qorektenedi». Elektr energııasyn jetkizýde qandaı da bir aqaýlar bolǵan jaǵdaıda olar avtonomdy elektr energııasy – dızeldik generatorlardy óndirýdi qamtamasyz etedi»,- delingen habarlamada.

Eske salsaq, búgin Almatyda túski saǵat 12:00 shamasynda elektr jaryǵy sóndi. Almaty kóshelerinde baǵdarshamdar jumys istemeı tur, joldarda keptelis paıda boldy.

Sondaı-aq elektr jaryǵymen aqaýlar Qyzylordada oblysynda da týyndaǵanyn jazǵan edik.

«KEGOC» kompanııasynyń málimetinshe, elektr energııasy Qazaqstannyń ońtústik óńirlerinde óshken.


Uqsas jańalyqtar

Jańalyqtar

MURAǴAT