+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Energetıka salasyndaǵy respýblıkalyq jobalardy iske asyrý qarqyny qandaı

2021 jylǵy 28 qyrkúıek 11:13
Bólisińiz:
Energetıka salasyndaǵy respýblıkalyq jobalardy iske asyrý qarqyny qandaı

NUR-SULTAN. QazAqparat – Búgin Úkimet otyrysynda Energetıka mınıstri Maǵzum Myrzaǵalıev respýblıkalyq Indýstrııalandyrý kartasynyń jobalary týraly baıandady, dep habarlaıdy QazAqparat tilshisi.

Uqsas jańalyqtar
Ekologtardy Jaıyq ózeni sýynyń azıýy alańdatyp otyr «Aýyl - el besigi»: 1 mln aýyl turǵyny tabysyn arttyrady Aýyl búldirshinderi 100 paıyz balabaqshamen qamtylady

«Bıylǵy shilde aıynda Shymkent qalasynda qýaty jylyna 57 myń tonna bolatyn benzınge arnalǵan oktan kóteretin qospa shyǵaratyn zaýyt paıdalanýǵa berildi. Jobanyń quny jıyrma bes mlrd teńgeni qurady. Búgingi tańda zaýytta 350 adam jumys isteıdi. Joba benzınniń sapasyn arttyrýǵa baǵyttalǵan. Bul benzındegi kúkirttiń úlesin tómendetýge, tıisinshe onyń qorshaǵan ortaǵa shyǵaryndylaryn azaıtýǵa múmkindik beredi. Budan basqa, shet elderden jetkiziletin osy ónimniń ımporty tómendeıdi», - dedi M. Myrzaǵalıev.

Onyń aıtýynsha, kelesi kezeń boıynsha qýaty jylyna 81 myń tonna polıpropılen ónimin óndirýge múmkindik beretin jabdyqty ornatý arqyly zaýytty keńeıtý kózdelgen. Qazirgi ýaqytta onyń tehnıkalyq-ekonomıkalyq negizdemesi ázirlenýde. Ony 2022 jyly aıaqtaý josparlanyp otyr. Negizdemeni ázirleý aıaqtalǵannan keıin, osy jobanyń neǵurlym naqty parametrleri aıqyndalatyn bolady.

«QazMunaıGaz» ulttyq kompanııasy Atyraý oblysynda munaı-gaz-hımııa salasyndaǵy eki iri jobany iske asyrýda. Bul – polıpropılen jáne polıetılen óndirý jónindegi ıntegratsııalanǵan gaz-hımııa keshenderin salý jobalary. Atalǵan jobalardyń biri boıynsha qurylys júrip jatsa, keıbiri pysyqtaýdyń ártúrli satylarynan ótýde. Osylaısha, «Samuryq-Qazynanyń» enshiles qurylymy bolyp sanalatyn «KRІ» kompanııasy bıyldyń sońyna deıin polıpropılen óndirý zaýytynyń qurylysyn mehanıkalyq aıaqtaýdy josparlap otyr. Onyń qýaty jylyna 500 myń tonna bolmaq. Zaýytty paıdalanýǵa berý kelesi jyldyń birinshi toqsanyna josparlanǵan. Búgingi kúni jobany iske asyrýdyń jalpy progresi 91 paıyzdy quraıdy. Jobanyń quny shamamen 1 trln teńgege baǵalanady», - dedi mınıstr.

Bul zaýyttyń ónimi syrtqy álemdik naryqtarǵa eksporttalatyn bolady. Sondaı-aq polıpropılenge degen ishki qajettilikti tolyǵymen jabýǵa múmkindik beredi.

Onyń sózine qaraǵanda, «KLPE» kompanııasy polıetılen óndirýge arnalǵan jobasyna strategııalyq áriptes izdestirip jatyr. Usynylatyn jobanyń qýaty jylyna 1 mln 250 myń tonna, al quny 3,2 trln teńgege teń. Bul joba Teńiz ken ornynan shıki gazdy qaıta óńdeýge jáne qaıta bólýdi ulǵaıtýǵa baǵyttalǵan. Qazirgi ýaqytta QazMunaıGaz áleýetti ınvestorlarmen jobaǵa qatysý boıynsha kelissózder júrgizýde. Olar jyldyń sońyna deıin jalǵasady.

Budan buryn habarlanǵandaı, Indýstrııalandyrý kartasyn iske asyrý aıasynda mınıstrlik oblys ákimdikterimen birlesip, otyn-energetıka kesheni salasynda 4,5 trln teńge quraıtyn 19 jobany iske asyrýda.

Respýblıkalyq kartada 4,3 trln teńge somasyna úsh joba kózdelgen.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT