Energetıka mınıstri janarmaı túrleriniń shekti baǵasyn atady
2022 jylǵy 12 qańtar 12:25

Energetıka mınıstri janarmaı túrleriniń shekti baǵasyn atady

NUR-SULTAN. QazAqparat – QR Energetıka mınıstri Bolat Aqsholaqov Úkimet otyrysynda janarmaı túrleriniń shekti baǵasyn atady, dep habarlaıdy QazAqparat tilshisi.

«Memleket basshysynyń Parlament Májilisinde bergen tapsyrmalaryn iske asyrý úshin birqatar qysqa merzimdi sharalar qabyldandy. Atap aıtsaq, benzın men dızel baǵalaryn memlekettik retteýdi belgileý, munaı ónimderin bólshek saýdada ótkizýge shekti baǵalardy bekitý boıynsha tıisti buıryqtar qabyldandy», -degen mınıstr atalǵan ónimder boıynsha qanda shekti mólsher engizilgenin atady.

Onyń aıtýynsha, qazir munaı ónimderiniń baǵasy mynadaı:

1) AI-80 markaly benzın – lıtrine 89 teńge;

2) AI-92 markaly benzın – lıtrine 182 teńge;

3) AI-93 markaly benzın – lıtrine 182 teńge;

4) AI-95 markaly benzın – lıtrine 215 teńge;

5) dızel otyny (jazǵy, maýsymaralyq) - lıtrine 230-260 teńge.


Jańalyqtar

MURAǴAT