Energetıka mınıstri elektr energııasynyń qymbattaýynyń birneshe sebebin atady
2022 jylǵy 15 tamyz 00:40

Energetıka mınıstri elektr energııasynyń qymbattaýynyń birneshe sebebin atady

ATYRAÝ. QazAqparat – Energetıka mınıstri Bolat Aqsholaqov elektr energııasy qymbattaýynyń birneshe sebebin atady, dep habarlaıdy QazAqparat.

Mınıstrdiń aıtýynsha, elimizde elektr energııasynyń qymbattaýyna birneshe sebep bar.

«Eń birinshi sebep – birqatar stansalar úshin otyn baǵasynyń ósýi. Taǵy bir sebebi, elektr energııasynyń qunyna stansa qyzmetkerleriniń jalaqysyn 20-30%-ǵa arttyrý engizilgen. Bizde energetıkterdiń jalaqysy tómen. Al, bul kadrlardyń saladan kóptep ketýine ákelip soqtyrdy», -deıdi Bolat Aqsholaqov.

Onyń deregine qaraǵanda, Qazaqstannyń energetıka júıesinde jabdyqtar men jeliler tozǵan.

«Biz osyǵan oraı stansalar men jelilerdegi baǵalaýdy ishinara aıaqtadyq. Stansalar eski bolǵandyqtan, bizde óte aýyr generatsııa bar. Jańǵyrtý men jóndeý qajet bolsa, biz muny qolǵa alamyz. Biraq, jańa stansalardy salý qajet. Men 2035 jylǵa deıin elektr energııasyn tutynýdyń boldamyn aıta alamyn. Bul – 150-160 mlrd kVtsaǵ shamasynda. Qazir 114 mlrd kVtsaǵ elektr energııasyn tutynamyz. Eger jańasyn salmaı, eski stansalardy paıdalana bersek, onda 150-160 mlrd kVtsaǵ-tyń 90150-160 mlrd kVtsaǵ-ty ǵana jaba alamyz. Sol sebepten, jańa stansalardan 17,5 mlrd kVtsaǵ elektr energııasyn iske qosýdy josparlap otyrmyz», -dep málim etti Energetıka mınıstri.

Bolat Aqsholaqovtyń aıtýyna qaraǵanda, Qyzylordada elektr stansasyn salý josparlanǵan. Almatydaǵy energııa torabyn, jylý-elektr ortalyǵynda úsh stansany jańǵyrtý júrip jatyr. Budan basqa da nusqalar qarastyrylýda.

Eske sala ketelik, budan buryn Atyraý oblysynyń aýyldaryn gazdandyrýǵa 1 mlrd teńge bólingenin jazǵan edik.



Uqsas jańalyqtar
Seriktester jańalyqtary

Jańalyqtar

Úrdis

MURAǴAT