USD 435.1 EUR 493.27
RUB 5.69 CNY 68.63
Jańalyqtar

Energetıka mınıstri dızel baǵasynyń qymbattaýyna qatysty pikir bildirdi

2021 jylǵy 6 qazan 12:55
Bólisińiz:
Energetıka mınıstri dızel baǵasynyń qymbattaýyna qatysty pikir bildirdi

NUR-SULTAN. QazAqparat – Elimizde dızel otynyn tutyný kólemi rekordtyq deńgeıge jetti. Qazaqstanda dızel otynyn tutyný men onyń baǵasyna qatysty Energetıka mınıstri Maǵzum Myrzaǵalıev túsinik berdi, dep habarlaıdy QazAqparat tilshisi.

«Eldegi dızel otynyn tutyný kólemi týraly aıtatyn bolsaq, ol tarıhı kórsetkishke jetti. Bıyl tamyz-qyrkúıek aılarynda shamamen 520-540 myń tonna dızel otyny paıdalanylǵan. Bul - elimizde buryn-sońdy bolmaǵan rekordtyq kórsetkish», - dedi Maǵzum Myrzaǵalıev elordada ótip jatqan «KIOGE-2021» halyqaralyq munaı jáne gaz kórmesinde tilshilerdiń suraǵyna jaýap bere otyryp.

Sondaı-aq, mınıstr elimizdegi janar-jaǵarmaı baǵasyna qatysty túsinikteme berip ótti.

«Aıta ketý kerek, dızel otyny jáne basqa da janar-jaǵarmaı túrleriniń baǵasy rettelmeıdi. Baǵany suranys pen usynysqa súıene otyryp naryq retteıdi. Sondyqtan da bizdiń mınıstrliktiń baǵany belgileýge esh qatysy joq. Búginde munaı baǵasynyń óskeni baıqalady. Bir-eki kúnniń ishinde barreli 78 dollardan 82 dollarǵa deıin ósti. Árıne, munaı baǵasynyń ózgerýi janar-jaǵarmaıdyń baǵasyna áser etedi», - deıdi ol.

Buǵan deıin vedomstvo basshysy qazan aıy boıy elimizge kem degende 100 myń tonna dızel otyny jetkiziletinin aıtqan edi.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT