+7 (701) 759 90 19
USD 425.63 EUR 515.99
RUB 5.92 CNY 66.52
Jańalyqtar

Eńbekmıni Zeınetaqy júıesin jańǵyrtý tujyrymdamasyna túzetýler ázirledi

2021 jylǵy 26 sáýir 10:26
Bólisińiz:
Eńbekmıni Zeınetaqy júıesin jańǵyrtý tujyrymdamasyna túzetýler ázirledi

NUR-SULTAN. QazAqparat - QR Eńbek jáne halyqty áleýmettik qorǵaý mınıstrligi Memleket basshysynyń tapsyrmasy boıynsha Qazaqstan Respýblıkasynyń zeınetaqy júıesin odan ári jańǵyrtýdyń 2030 jylǵa deıingi tujyrymdamasyna (budan ári – Tujyrymdama) ózgerister men tolyqtyrýlar engizý boıynsha jumys júrgizýde. Bul týraly QazAqparat atalmysh vedomostvonyń baspasóz qyzmetine silteme jasap habarlaıdy.

Uqsas jańalyqtar
Zeınetaqyny paıdalaný: Qazaqstandyqtardyń 250 myń ótinimi nege qabyldanbady Ulttyq jobalar qandaı maqsatty kózdeıdi Qazaqstan-qytaı shekarasyndaǵy ótkizý pýnktteri ýaqytsha jabyldy

Zeınetaqy júıesin odan ári jetildirý boıynsha usynystardy 2019 jyly Úkimet janynan qurylǵan jumys toby uzaq merzimdi aktýarly modelderdi qurý negizinde ázirledi.Bul jumystyń mańyzdy baǵyty eń tómengi kepildikter júıesin jetildirý bolyp tabylady.

Іs júzindegi tujyrymdama aıasynda 2028 jyldan bastap bazalyq zeınetaqy tóleminen eń tómengi kepildendirilgen zeınetaqyǵa kóshý kózdelgenin atap ótken jón. Sondyqtan eń tómengi kepildi zeınetaqyny taǵaıyndaý tetigi, belgili bir tustaryn jetildire otyryp, bazalyq zeınetaqyny taǵaıyndaýdyń qoldanystaǵy ádistemesine negizdelgen.

Qazirgi ýaqytta kelesi jaıttardy qamtyǵan raıda, eń tómengi kepildi zeınetaqyny taǵaıyndaý tetigi qarastyrylýda:

– eń tómengi mólsherdi eń tómengi kúnkóris deńgeıiniń (budan ári - ETKD) 54%-nan 70%-na deıin ulǵaıtý usynylady;

- qatysýdyń eń az ótilin 10 jyldan 5 jylǵa deıin azaıtý;

- zeınetaqy mólsherin shekteýdi alyp tastaý (qazirgi ýaqytta eń joǵary shekteý 33 jyl jáne odan joǵary ótilde 1 ETKD quraıdy).

Eń tómengi kepildendirilgen zeınetaqyǵa kóshý zeınetaqymen qamsyzdandyrý deńgeıin arttyrýǵa, barlyq azamattarǵa biryńǵaı tásildi qamtamasyz etýge, eń tómengi kepildikter júıesin jetildirýge, eńbek qatynastaryn resmılendirýdi yntalandyrýǵa múmkindik beredi jáne halyqaralyq sarapshylardyń usynymdaryna sáıkes keledi.

Jańǵyrtýdyń taǵy bir mańyzdy baǵyty, 2023 jyldan bastap, jumys berýshilerdiń 5% mindetti zeınetaqy jarnasyn (budan ári – JBMZJ) engizý bolyp tabylady.

Jumys berýshiler óz qarajaty esebinen óz jumyskerleriniń paıdasyna jumyskerdiń tabysynan mindetti 5% zeınetaqy jarnasyn aýdaratyn bolady.

Memleket basshysy JBMZJ maqsatyn shartty-jınaqtaýshy quramdaýyshty qalyptastyrýdan azamattardyń jeke zeınetaqy jınaqtaryn tolyqtyrýǵa ózgertý, sondaı-aq keıinnen olardy áleýmettik muqtajdyqqa paıdalaný quqyǵyn bere otyryp, mindetti zeınetaqy jarnalary, mindetti kásiptik zeınetaqy jarnalary jáne JBMZJ esebinen qalyptastyrylǵan zeınetaqy jınaqtarynyń bir bóligimen tolyqtyrý (salymshynyń tańdaýy boıynsha) arqyly Biryńǵaı jınaqtaýshy zeınetaqy qorynda jeke nysanaly shottardy engizý jónindegi tásilderdi maquldady.

Sondaı-aq, QR Salyq kodeksiniń sheńberinde jumys berýshilerge júktemeni tómendetý úshin engiziletin JBMZJ shegerimge jatqyzý bóliginde jeńildikter berilgenin atap ótý qajet.

Mundaı tásil halyqaralyq zeınetaqymen qamsyzdandyrý standarttaryna sáıkes keletin zeınetkerlik jasqa jetken kezde (zeınetke shyqqannan keıin tabysty almastyrý koeffıtsıenti) salymshylardyń zeınetaqy jınaqtarynyń barabar deńgeıin saqtaýǵa, sondaı-aq jaqyn keleshekte barlyq salymshylardyń zeınetaqy jınaqtaryn maqsatty paıdalaný (turǵyn úı satyp alýǵa, emdelýge aqy tóleýge) quqyǵyn iske asyrýǵa múmkindik beredi.

Qazirgi ýaqytta «Qazaqstan Respýblıkasynyń zeınetaqy júıesin odan ári jańǵyrtýdyń 2030 jylǵa deıingi tujyrymdamasy týraly» Qazaqstan Respýblıkasy Prezıdentiniń 2014 jylǵy 18 maýsymdaǵy № 841 Jarlyǵyna ózgerister men tolyqtyrýlar engizý týraly» Qazaqstan Respýblıkasynyń Prezıdenti Jarlyǵynyń jobasy týraly» QR Úkimeti qaýlysynyń jobasy múddeli memlekettik organdarmen kelisilýde.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT