Eńbek ótili 20 jylǵa jetpegen áskerı qyzmetshilerge baspana beriledi

NUR-SULTAN. QazAqparat – QR Qorǵanys mınıstrligi áskerı qyzmetshilerdi baspanamen qamtýǵa qatysty zańnamaǵa ózgerister engenin málimdedi, dep habarlady QazAqparat tilshisi.

Uqsas jańalyqtar

Táýelsizdik qarsańynda aqtaýlyqtar baspanaly boldy

Qasym-Jomart Toqaev: Azamattardy baspanamen qamtý úshin qosymsha sharalar qabyldanady Tuńǵysh Prezıdent kúni: Elordada 419 otbasy baspanaly boldy Pavlodar oblysynda «Baqytty otbasy» baǵdarlamasy boıynsha 158 ótinim maquldandy

QR Qarýly kúshteri áskerlerdi páterlerge ornalastyrý bas basqarmasy (QR QK ÁPOBB) basshysy, podpolkovnık Baýyrjan Zekenovtyń aıtýynsha, 2018 jyldyń 1 qańtaryna deıin jumystan shyǵyp ketken tulǵalardyń páter alý erejesine birqatar ózgertýler engizilgen.

«Qarýly kúshter qatarynda 10 jyldan kóp, biraq 20 jyldan az qyzmet etken, ıaǵnı olardyń jas mólsheri ary qaraı jumys isteýine múmkindik bermegen, densaýlyǵyna nemese shtat qysqarýyna baılanysty jumystan shyqqan tulǵalar bar. Buryn 20 jyldan az jumys istegenderdi baspanamen qamtamasyz etý zańnamada qarastyrylmaǵan bolatyn. Qorǵanys mınıstrligi buryn bolmaǵan qadamǵa baryp, 2018 jyldyń 1 qańtarynda kúshine engen zańda olardy baspanamen qamtý máselesin qaıta qarastyrdy», - dedi Baýyrjan Zekenov.

Onyń sózinshe, bul – jabyq áskerı qalalarda turatyn sanat.

«Qazir olardyń jekeshelendirýge jatpaıtyn turǵyn jaıyn jekeshelendiretindeı etip aýystyryp jatyrmyz. Bul - Qorǵanys mınıstrliginiń resmı saıtynda jarııalanǵan turǵyn úı. Sonymen qatar, Nur-Sultan qalasyndaǵy Sh.Qudaıberdiuly kóshesinde turǵyn úı kesheni ashyldy. Joǵaryda atalǵan sanatqa jatatyn adamdar osy páterlerdiń kiltine ıe boldy. Sonymen qatar, 2020 jyly Almatyda 240 páterge arnalǵan taǵy bir turǵyn úı keshenin ashý josparda bar», - dep aqparat berdi QR QK ÁPOBB basqarma basshysy.

«Qazirgi kúni Qorǵanys mınıstrligi zańnamaǵa sáıkes atalǵan sanat tulǵalarynyń aldyndaǵy barlyq mindetterin oryndap jatyr. Biz árqaısysyna jeke mán berip qaraımyz. Qazirgi Turǵyn úı qatynastary týraly zańnamaǵa sáıkes turǵyn úı qoryn berýdiń biryńǵaı normasy bar, ıaǵnı bir adamǵa 15-ten 18 sharshy metr aýmaqqa deıin», - dep túsindirdi Zekenov.