+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Eńbek naryǵyndaǵy jyldam ózgeristerge saı kásiptik standarttar kerek - Mamın

2019 jylǵy 4 jeltoqsan 18:15
Bólisińiz:
Eńbek naryǵyndaǵy jyldam ózgeristerge saı kásiptik standarttar kerek - Mamın

NUR-SULTAN. QazAqparat – Búgin QR Premer-Mınıstri Asqar Mamın Biliktilik jónindegi ulttyq keńestiń kásiptik standarttar ázirleý máseleleri boıynsha kóshpeli otyrys ótkizdi, dep habarlaıdy QazAqparat tilshisi.

Uqsas jańalyqtar
Asqar Mamın jumysy baıaý ákimderdi synǵa aldy QR Úkimeti men EQQDB arasynda QR densaýlyq saqtaý ınfraqurylymyn jańǵyrtý kelisimi jasaldy Mamınniń AQSh-qa sapary: Amerıkalyq agrobıznes lıderleri Qazaqstanǵa ınvestıtsııa salady

«Kásiptik standarttardy ázirleý jumystaryn biz Tuńǵysh Prezıdent - Elbasy N. Nazarbaevtyń tapsyrmasy boıynsha 2012 jyly bastadyq. Búgingi tańda 480 kásiptik standart ázirlengen. Olar 2,7 myńnan asa kásipti qamtıdy. Bizge qazirgi zamanǵy syn-tegeýrinder men eńbek naryǵyndaǵy jyldam ózgeristerge saı keletin kásiptik standarttar men bilim berý baǵdarlamalary qajet. Bul týraly Memleket basshysy Q. Toqaev bıyl 17 mamyrda ótken jumyspen qamtý jáne eńbek máseleleri jónindegi keńeste aıtqan bolatyn», - dedi kóshpeli otyrysty ashqan Premer-Mınıstr.

Sonymen qatar Asqar Mamın Memleket basshysy 2020 jyldyń naýryz aıynyń sońyna deıin Jańa kásipter atlasyn ázirleý boıynsha jumystardy aıaqtaýdy tapsyrǵanyn atap ótti. Onyń negizinde eńbek naryǵynyń qajettilikterine sáıkes kadrlar daıarlanatynyn aıtty.

«Tórtinshi ónerkásiptik revolıýtsııa jańa kásipter men quzyretterdiń týyndaýyna túrtki boldy. Biz buǵan ázir bolýymyz kerek. Sondyqtan bul baǵyttaǵy jumystar áleýmettik áriptestiktiń barlyq tarapynyń - memlekettiń, bıznestiń, kásipodaqtardyń úılestirilgen is-qımylyn talap etedi», - dedi A. Mamın.

Otyrysta biliktilikterdiń salalyq negizdemeleri men kásiptik standarttardy ázirleý nátıjeleri týraly Eńbek jáne halyqty áleýmettik qorǵaý mınıstri Birjan Nurymbetov, bilim berý baǵdarlamalary men tıptik oqý josparlaryn ázirleý týraly Bilim jáne ǵylym mınıstri Ashat Aımaǵambetov jáne basqalary baıandama jasady.

Jıyn sońynda Úkimet basshysy Premer-Mınıstr «Atameken» ulttyq kásipkerler palatasyna kásiptik standarttardy bekitýdi jyldamdatýdy jáne Bilim jáne ǵylym mınıstrligimen birlesip bilim berý standarttaryn ózektendirýdi qamtamasyz etýdi tapsyrdy.

«Budan ári jańa kásiptik standarttardy ázirleý bastamasy men tapsyrys naqty óndiristiń qajettilikterinen túsýi tıis. Jumys berýshi ózine qandaı maman kerek ekenin anyqtaýy kerek», - dedi Úkimet basshysy.

Sonymen qatar Eńbek jáne halyqty áleýmettik qorǵaý, Bilim jáne ǵylym mınıstrlikterine «Atameken» UKP-men birlesip, eńbek naryǵyndaǵy jahandyq ózgeristerdi eskere otyryp, suranysqa ıe kadrlarǵa turaqty monıtorıng júrgizý tapsyryldy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT