Eńbek mınıstrligi taǵy 4 áleýmettik tólemdi sms arqyly taǵaıyndaı bastady
NUR-SULTAN. QazAqparat - QR Eńbek jáne halyqty áleýmettik qorǵaý mınıstrligi júktiligi men bosanýyna, asyraýshysynan jáne jumysynan aıyrylýyna baılanysty áleýmettik tólemderdi endi proaktıvti formatta júzege asyrady, dep habarlaıdy QazAqparat.
«Osylaısha, memleket azamatqa sms-habarlama jiberý arqyly qyzmet kórsetý protsesine bastamashylyq jasaıdy. Oǵan jaýap bergen jáne banktik shottyń nómiri rastalǵan kezde tólemder avtomatty túrde qysqa merzimde taǵaıyndalady. Qyzmetti proaktıvti formatta alý úshin Mobıldi azamattar bazasynda tirkelý qajet. Muny egov.kz saıtyndaǵy jeke kabınette nemese Halyqqa qyzmet kórsetý ortalyǵynda jasaýǵa bolady», - delingen mınıstrliktiń aqparatynda.
Buǵan deıin júktilikke jáne bosanýǵa baılanysty, sondaı-aq asyraýshysynan jáne jumysynan aırylýǵa qatysty tólemderdi alý úshin HQKO-ǵa, jumyspen qamtý ortalyqtaryna nemese qujattar tizimimen egov.kz-ke júginý qajet bolatyn. Qyzmet kórsetý merzimi bir aptadan 30 kúnge deıin sozyldy.
Esterińizge sala keteıik, «Tsıfrlyq Qazaqstan» memlekettik baǵdarlamasy aıasynda QR Eńbek jáne halyqty áleýmettik qorǵaý mınıstrligi qazirdiń ózinde bala týý boıynsha jáne batyr analarǵa járdemaqyny proaktıvti túrde taǵaıyndaıdy, sondaı-aq zeınetaqy taǵaıyndaý boıynsha keshendi formatta qyzmet kórsetedi.
- Jyl basynan 25 myń kópbalaly otbasy járdemaqynyń jańa túrin rásimdedi
- iQala ortalyǵynyń tizimi 26 jańa qyzmet túrimen tolyqty
- Taldyqorǵanda servıstik ákimdik ashyldy
- Qazaqstandyq stýdentterdiń stıpendııasy 25% artty
-
Túrkistan oblysynyń mektepterine mamandar elektrondyq júıemen qabyldanýda
-
Elimizdegi eń «aqyldy» qalalar anyqtaldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam
