Eńbek mınıstrligi bazalyq zeınetaqy mólsherin kóbeıtýdi usyndy
2022 jylǵy 30 maýsym 12:50

Eńbek mınıstrligi bazalyq zeınetaqy mólsherin kóbeıtýdi usyndy

NUR-SULTAN. QazAqparat – QR Eńbek jáne halyqty áleýmettik qorǵaý mınıstrligi bazalyq jáne yntymaqty zeınetaqyny kóbeıtýdi usynyp otyr. Bul týraly mınıstr Tamara Dúısenova aıtty, dep habarlaıdy QazAqparat tilshisi.

«Qazir taǵaıyndalatyn jıyntyq zeınetaqy mólsheri aldyńǵy jyldarmen salystyrǵanda azaıyp keledi, óıtkeni eńbek ótili az. Osyǵan baılanysty biz qazir óz esepteýlerimizben birge bazalyq zeınetaqyny kóbeıtý úshin onyń parametrlerin ózgertý boıynsha usynys engizdik», - dedi Eńbek mınıstri Májiliste tilshilerge bergen suhbatynda.

Sonymen birge, Tamara Dúısenovanyń aıtýynsha, yntymaqty zeınetaqyny da arttyrý úshin parametrlerin ózgertý usynylyp otyr.

«Qoldanystaǵy zańnama aıasynda zeınetke erte shyǵý múmkindigi bar. Qazir zeınetaqy annýıteti máselelerin qarastyryp jatyrmyz», - dedi mınıstr.

Eske sala ketsek, 2022 jylǵy 1 sáýirden bastap Qazaqstanda memlekettik bazalyq zeınetaqy tóleminiń eń tómengi mólsheri – 20 191 teńge. Zeınetaqynyń eń tómengi mólsheri – 48 032 teńge.

Buǵan deıin Tamara Dúısenova zeınet jasyn tómendetý máselesi jumys tobynda talqylanyp jatqanyn aıtty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT