+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Eńbek mınıstri múmkindigi shekteýli balalardyń baspana kezegine turý máselesin túsindirdi

2021 jylǵy 14 maýsym 14:40
Bólisińiz:
Eńbek mınıstri múmkindigi shekteýli balalardyń baspana kezegine turý máselesin túsindirdi

NUR-SULTAN. QazAqparat – QR Eńbek jáne halyqty áleýmettik qorǵaý mınıstri Serik Shápkenov múmkindigi shekteýli balalardyń turǵyn úı kezegine turý quqyǵyna qatysty jańa normany túsindirdi, dep habarlaıdy QazAqparat tilshisi.

«Múgedektigi bar balany baǵyp otyrǵan otbasylar turǵyn úı kezegine tura alady. Eger ol 18 jasqa tolǵanǵa deıin baspanany alyp úlgermese, onyń kezegi joıylyp, qaıtadan múgedektigi bar azamat retinde turýy kerek edi. Qazir zań jobasy arqyly biz sol kezektilikti saqtap qalý jónindegi normany engizip jatyrmyz», - S. Shápkenov Ortalyq kommýnıkatsııalar qyzmetinde.

«Qazir Parlamentte (Senatta) qaralyp jatqan zań jobasynda tıisti túzetýdi engizdik. Eger bala kezinen kezekte tursa, sol kezek saqtalyp qalady. Bul qadamdar zań jobasynda eskerilgen. 2025 jylǵa deıingi ulttyq josparda múgedektigi bar azamattarǵa qatysty barlyq máselelerdi pysyqtadyq», - dedi mınıstr.

Onyń aıtýynsha, atalǵan zań jobasy bıyl qabyldanýy múmkin ekenin atap ótti.

Eske sala keteıik, Parlament Májilisi «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zań jobasyn maquldady.

Atalǵan qujatty talqylaý kezinde qujatta múgedektigi bar balany tárbıelep otyrǵan otbasylarǵa bala kámelettik jasqa tolǵannan keıin de turǵyn úı kezeginde turý quqyǵyn saqtaý kózdelip otyrǵandyǵy aıtyldy.

«Іs júzinde mundaı otbasylar turǵyn úı kezeginde 10 jylǵa deıin turady. Eger bala 18 jasqa tolǵanǵa deıin turǵyn úı alý múmkin bolmasa, onda múgedektigi bar azamat kezekke qaıta turýǵa májbúr. Bul norma 20 myńnan astam otbasyna turǵyn úı kezegin saqtaýǵa múmkindik beredi», - dedi Serik Shápkenov.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT