+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Eńbek mınıstri BQO jurtshylyǵyna AÁK tóleýdiń jańa tetikterin túsindirdi

2019 jylǵy 12 qazan 17:30
Bólisińiz:
Eńbek mınıstri BQO jurtshylyǵyna AÁK tóleýdiń jańa tetikterin túsindirdi

BATYS QAZAQSTAN OBLYSY. QazAqparat - QR Premer-Mınıstriniń orynbasary Berdibek Saparbaevtyń Batys Qazaqstan oblysyna jumys sapary aıasynda QR Eńbek jáne halyqty áleýmettik qorǵaý mınıstri Birjan Nurymbetov Darııa aýdandyq jumyspen qamtý ortalyǵyna baryp, «Eńbek» Memlekettik baǵdarlamasyna qatysýshylarmen áńgimelesti, dep habarlaıdy QazAqparat.

Uqsas jańalyqtar
AÁK: Batysqazaqstandyqtar 9,3 mln teńgeni memleketke qaıtardy Almatyda AÁK-ti zańsyz alǵandar 3,4 mln teńgeni memleketke qaıtardy Alaıaqtyqqa barǵan aqtóbelik otbasy AÁK-ti eki jerden alyp otyrǵan

Mınıstrliktiń baspasóz qyzmetinen málim etkendeı, sondaı-aq vedomstvo basshysy «Oral saýda-ónerkásip kompanııasy» JShS-nyń eńbe ujymymen kezdesti. Ótken kezdesýler barysynda Qasym-Jomart Toqaevtyń Qazaqstan halqyna Joldaýynyń negizgi baǵyttaryn jáne AÁK kórsetýdiń jańa tásilderin túsindirdi.

Birjan Nurymbetov Halyqty jumyspen qamtý ortalyǵy qyzmetkerlerimen, sondaı-aq «Eńbek» memlekettik baǵdarlamasynyń qatysýshylarymen sóılesý barysynda Joldaýda aıtylǵan kópbalaly analardy mıkro jáne shaǵyn bızneske tartý jónindegi tapsyrmany iske asyrý úshin atalǵan baǵdarlamaǵa ózgerister engiziletinin habarlady.

«Jańadana shylatyn bıznestiń turaqtylyǵyn qamtamasyz etý maqsatynda kópbalaly otbasylarǵa arnalǵan jobalar úshin mıkrokredıtteý merzimin arttyrý usynylady. Kredıtti óteý boıynsha qarjylyq júktemeni azaıtý úshin biz nomınaldy syıaqy stavkasyn tómendetýdi usynamyz. Jetkilikti kepil múlki joq otbasylar úshin mıkrokredıtterdi kepildendirý tetikterin aýyl men qalaǵa bólmeı, biryńǵaı operator arqyly taratý josparlanyp otyr», – dedi mınıstr.

Sonymen qatar vedomstvo basshysy 1 qańtardan bastap Qazaqstanda engizý josparlanyp otyrǵan ataýly áleýmettik kómek kórsetýdiń negizgi tetikteri jaıynda aıtyp berdi.

«Eń basty prıntsıp – memleket kómekke muqtaj adamdarǵa, ásirese balalar men kópbalaly otbasylarǵa kómektesedi. Eńbekke qabiletti azamattar jumys isteýi kerek. Memleket jumysqa ornalasýǵa nemese shaǵyn bıznespen aınalysýǵa kómektesedi. Memlekettik kómekke – kópbalaly otbasylardy qoldaý, tabysy tómen otbasylarǵa ataýly áleýmettik kómek kórsetý, tabysy az otbasylardaǵy balalarǵa kepildendirilgen áleýmettik paketi kiredi», – dedi ol.

Mınıstrdiń aıtýynsha, kópbalaly otbasylarǵa qoldaý kórsetý respýblıkalyq bıýdjetten memlekettik járdemaqylar engizý arqyly qamtamasyz etiletin bolady. Bul memlekettik járdemaqy barlyq kópbalaly otbasylarǵa (4 nemese odan da kóp kámeletke tolmaǵan balasy bar), tabysyna qaramastan tólenedi.

AÁK tabysy az otbasylarǵa, sonyń ishinde kópbalaly otbasylarǵa tólenetin bolady. Eń az kúnkóris deńgeıiniń 70% taǵaıyndaýdyń shekti ólshemi qalady. Eger eńbekke qabiletti otbasy múshesi usynylǵan jumystan jáne jumyspen qamtýǵa járdemdesý sharalarynan bas tartsa, onda AÁK tólemi tek oǵan ǵana emes, búkil otbasyna da toqtatylady.

Tabysy az otbasylardan shyqqan balalar úshin kepildendirilgen áleýmettik paketti engizý usynylady. 1 jastan 6 jasqa deıingi balalardy azyq-túlik jıyntyǵymen jáne gıgıenalyq quraldarmen, 6 jastan 18 jasqa deıingi balalardy mektepterde ystyq tamaqpen, oqý quraldarymen jáne mektep kıimimen qamtamasyz etiledi. Sondaı-aq olarǵa mektepke deıingi jol júrý shyǵyndary óteletin bolady. Medıtsınalyq, onyń ishinde stomatologııalyq kómek 18 jasqa deıingi balalarǵa tegin medıtsınalyq kómektiń kepildendirilgen kólemi jáne mindetti áleýmettik medıtsınalyq saqtandyrý aıasynda kórsetiletin bolady.

«AÁK tóleý toqtatylǵan jaǵdaıda da tabysy az otbasylardan shyqqan balalarǵa áleýmettik paket, al kópbalaly otbasylarǵa memlekettik járdemaqy tólenedi», – dedi Nurymbetov.

«Oral saýda-óndiristik kompanııasy» JShS óndiristik kásipornynyń eńbek ujymymen kezdesýde mınıstr eńbek zańnamasynyń saqtalýyn jáne kásiptik jaraqattanýshylyqtyń aldyn alýǵa basa nazar aýdardy.

Esterińizge sala keteıik, buǵan deıin Birjan Nurymbetov QR Prezıdentiniń Qazaqstan halqyna Joldaýyn Almaty qalasy, ShyǵysQazaqstan, Qaraǵandy jáne Atyraý oblystarynda túsindirgen bolatyn.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT